Scary Movie 2

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Scary Movie 2
Scary Movie 2
Scary Movie 2.png
La Tori Spelling in na figùra dal film
Film ad Scarésa 2
2001
Regia: Keenen Ivory Wayans
Scritùr: Aaron Seltzer • Michael Anthony Snowden
Alyson Fouse • Buddy Johnson • Craig Wayans
Dave Polsky • Greg Grabianski • Jason Friedberg
Marlon Wayans • Phil Beauman • Shawn Wayans
Atùr: Anna FarisMarlon WayansJames DeBello
James WoodsVeronica CartwrightTori Spelling
Andy RichterVeronica CartwrightShawn Wayans
Christopher MastersonTim CurryRegina Hall
Müsica: Mark McGrath
Lengua: Ingléś
Dürä dal film: 79 minüt
Nasiòṅ: Stat UnîCànada


«
Sèmpar più śvalvulâ, più fulminâ che mai!»
(Tagline dal film)


Scary Movie 2 (Film ad Scarésa 2) l'è na cumèdia ad cretinìśia dal 2001 ad Keenen Ivory Wayans, séguit dal film dal 2000 Scary Movie. L'à dâ vita a tri àtar séguit: Scary Movie 3 - Una risata vi seppellirà (2003), Scary Movie 4 (2006) e Scary Movie V (2013).

La pelìcula la tóś in gir soquànt film ad scarésa e cumèdi cuma Il mistero della casa sulla collina, L'esorcista, I delitti del gatto nero, Charlie's Angels, Haunting - Presenze, It, Titanic, Hannibal, Le verità nascoste, Poltergeist - Demoniache presenze, Il sesto senso, Poltergeist II - L'altra dimensione, L'uomo senza ombra, Fatti, strafatti e strafighe, The Rocky Horror Picture Show, Amityville Horror, La bambola assassina, Cimitero vivente , Paulie - Il pappagallo che parlava troppo e at'r incóra.

Al film 'l à muciâ sù da piò ad sènt-quarànta migliòṅ ad dòlar a frònt 'd un cóst ad quarànta-sinc. In dla culòna sunóra i s càtan di pès quài “Smack My Bitch Up” di The Prodigy, “Tubular Bells” ad Mike Oldfield e “Insane in the Brain” di Cypress Hill.

Sunt

Méntar l'indemuniàda Megan (Natasha Lyonne) la s bèca un cōlp ad pistòla da 'l eśurcìsta pàdar McFeely (James Woods) parchè la gh'à abû al curàǵ ad dir che sò màdar la ciùcia di cas a 'l Infèran, la Cindy (Anna Faris) la próa, dòp 'n an da i masamènt fat da 'n pulisiòt insiminî cun la mascra ad Ghostface, a pinsàr a àtar e tulénd part a 'n seminàri su i prubléma dal durmìr fat in un castèl antìg da 'n sò prufesōr dal culéǵ, Oldman (Tim Curry). Insém a lē i gh'èṅ anc i sò amìg Shorty (Marlon Wayans), Ray (Shawn Wayans) e Buddy (Christopher Masterson) e 'l sò amìghi, la Brenda (Regina Hall), l’Alex (Tori Spelling) e la Theo (Kathleen Robertson).

'L insgnànt, ch'al s fà jutàr p'r al sò asistènt in carusìna Dwight (David Cross) e p'r Hanson (Chris Elliott), al lavuradōr ch'al fà da tut là anc s'al gh'à na maṅ curta e una biślunga, al n è minga tant a pòst. In dal castèl a gh'è anc un fantàśma ch'al s gusa l’Alex anc se lē la n al pōl minga védar, sintìr sè però e la gh cata anc dimóndi gust. In cal méntar la Cindy la s litga e la fà a casòt c'n un gat négar parchè la gh'à cagâ in dla sò altéra.

Culegamènt estéran