Titanic (film 1997)

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Titanic
Titanic.png
Leonardo DiCaprio e la Kate Winslet in na figùra dal film
id.
1997
Regia: James Cameron
Scritùr: James Cameron
Atùr: Leonardo DiCaprioKate WinsletBilly Zane
Gloria StuartKathy BatesFrances FisherBill Paxton
Bernard HillVictor GarberDanny NucciSuzy Amis
Müsica: James Horner
Lengua: Ingl霌vedéśTedéscItagliànRus
Dürä dal film: 194 minüt
Nasiòṅ: Stat Unî


«
Gnint a 'l mónd a psiva divìd'r-i.»
(Tagline dal film)


Titanic (id.) 'l è 'n film dramàtic americàṅ dal 1997 ad James Cameron ch'l à vins ùndas Prèmi Òscar tulénd ispirasiòṅ da di fat sucès dabòn in sla naṿ Titanic ch'l'è andàda śò fra 'l 14 e 'l 15 'd Avrìl dal 1912 dòp avér piciâ cóntar 'n iceberg durànt al sò prim viàś da Southampton a New York. Di 2223 pasegēr, miténd-ag dènt'r anc gl'otsènt d'l equipàǵ, a s 'n è salvâ sōl 705. Par cla pelìcula chè la Céline Dion l'à cantâ My Heart Will Go On.

Quànd 'l è vgnû fóra 'l à fat sù da piò 'd un migliàrd e òt ad dòlar, in alóra al più grand incàs dla stòria dal cinéma, batû sōl dód'ś an dòp par 'n àtar film ad James Cameron, Avatar. In Itàglia la pelìcula l'à vdû la luś al 16 ad Śnar dal 1998. In siē méś ad prugramasiòṅ l'à muciâ utànt'òṅ migliàrd ad franc.

Sunt

In sal tranśatlàntic Titanic la Rose De Witt Bukater (Kate Winslet), na burghéśa americàna ad darsèt an, la cgnós al pitōr buletàri Jack Dawson (Leonardo DiCaprio) ch'al s divertìs a far di diségn. Chi lò al viàśa in tèrsa clas méntar lē in prima insém a 'l sò muróś pîṅ ad bèsi Cal Hockley (Billy Zane). La Rose e Jack i s inamóran ma tròp tard a s pōl dar parchè la naṿ la ciàpa cónt'r a 'n iceberg e la taca a impinìr-as 'd àqua.

Culegamènt estéran