Promised Land
|
C'l artìcul chè 'l è scrit in
Miranduléś |
 Promised Land | ||
 Matt Damon in na figùra dal film | ||
| Tèra prumésa 2012 | ||
|---|---|---|
| Regìa: Gus Van Sant | ||
| Scritōr: John Krasinski • Matt Damon • Dave Eggers | ||
| Atōr: Matt Damon • John Krasinski • Lucas Black Frances McDormand • Rosemarie DeWitt Titus Welliver • Hal Holbrook • Tim Guinee | ||
| Müsica: Danny Elfman | ||
| Léngua: Ingléś | ||
| Dürä dal film: 106 minüt | ||
| Nasiōṅ: Stat Unî • Emirâ Àrab Unî | ||
Promised Land (Tèra prumésa) 'l è 'n film dramàtic americàṅ dal 2012 ad Gus Van Sant cun prutagunìsta Matt Damon. Chi lò, ch'l à scrit la senegiadùra insém a John Krasinski tulénd spunt da na stòria dal scritōr Dave Eggers, al gh'iva da giràr lò la pelìcula ma pò 'l à pasâ la maṅ parchè al n gh'iva mia dal tèmp abàsta.
Al film, ch'l è custâ quìndas migliòṅ ad dòlar faghénd-an sù pôc da piò dla mità, òt e òṅ, 'l è stâ preśentâ in cuncōrs a 'l 63śum Fèstival ad Berlîṅ.
Sunt
[mudéfica la surzéia]Steve Butler (Matt Damon), nâ in un pòst dla campàgna americàna, al fà 'l cumpradōr ad sit par cònt dna cumpagnìa dal setōr energètic, la “Global Crosspower Solutions”, ch'la fà i bèsi catànd e tirànd fóra 'l gas da la tèra druànd la scavśadùra idràulica, un mètud cgnusû in gèrg cuma „fracking“. Insém a na sò culéga, la Sue Thomason (Frances McDormand), al partìs p'r al paiśèṅ ad McKinley par cunvìs'r al pulìtig Gerry Richards (Ken Strunk) e la gint dal pòst a vénd'r-ag la tèra par pôc.
A 'l inìsi al ròbi i vaṅ via lisi cuma 'l òli parchè là a n gh'è gnint e a la gint a gh fà còmad ciapàr quèl ma pò Steve al cata chi a gh mét i spróc in mèś a 'l rōdi cuma 'l insgnànt ad siénsi Frank Yates (Hal Holbrook), 'l avucàt e ambintalìsta Dustin Noble (John Krasinski) e la mistra Alice (Rosemarie DeWitt).