L'amore che resta

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Restless
L'amore che resta
Restless.png
La Wasikowska e Hopper in na figùra dal film
'L amōr ch'a 'rmàgn
2011
Regia: Gus Van Sant
Scritùr: Jason Lew
Atùr: Henry HopperMia WasikowskaChin Han
Schuyler FiskLusia StrusJane Adams
Ryô KaseChristopher D. HarderMorgan Lee
Müsica: Danny Elfman
Lengua: Ingléś
Dürä dal film: 95 minüt
Nasiòṅ: Stat Unî


«
Par cuśa sē't drē a vìvar?»
(Tagline dal film)


L'amore che resta (’L amōr ch'a 'rmàgn) 'l è 'n film dramàtic americàṅ dal 2011 ad Gus Van Sant cun prutagunìsta Henry Hopper, fiōl ad Dennis Hopper e chè a 'l sò debùt, la Mia Wasikowska e la Schuyler Fisk, fiōla dla Sissy Spacek. 'L è stâ girâ in Òregun e 'l è stâ preśentâ a'l 64śum Fèstival ad Cannes.

Custàda òt migliòṅ ad dòlar, la pelìcula la 'n à pò muciâ sù gnanc duśènt-mila.

Sunt

Enoch Brae (Henry Hopper) 'l è 'n ragàs ch'l à pardû i sò genitōr da pìcul parchè 'n inbariagòs al gh'è andâ adòs in màchina. Anc lò 'l éra in màchina sèg ma al s è salvâ. Adès al viṿ cun sò sîna Mabel (Jane Adams) ch'l'à fat dimóndi sacrifìsi par tiràr-al sù e ch'l'à mulâ incòsa a Seattle p'r andàr da lò. Enoch al n gh'à minga di amìg a part un fantàśma 'd un kamikaze giapunéś mòrt durànt la secónda guèra mundiàla, Hiroshi Takahashi (Ryô Kase). Par pasàr-'s al tèmp al śōvan al và a tut i funeràł dla sità anc s'al n sà minga ch'i sìan i mòrt. 'L è a 'l ubitòri ch'al cgnós na ragàsa rósa 'd cavìi, l’Annabel Cotton (Mia Wasikowska), ch'la sà tut di uśèi e ch'la gh'à sōl tri méś da scampàr parchè la gh'à 'n cànc'r a 'l sarvèl. La ragàsa la viṿ insém a na màd'r imbariagòsa, la Rachel (Lusia Strus), e a na surèla più granda ch'la gh tîṅ adrē, l’Elizabeth (Schuyler Fisk).

L’Annabel e Enoch i dvènt'n amìg e muróś.

Culegamènt estéran