Milk (film)
|
C'l artìcul chè 'l è scrit in
Miranduléś |
 Milk
| ||
.png) L'Alison Pill e James Franco in na figùra dal film | ||
| id. 2008 | ||
|---|---|---|
| Regìa: Gus Van Sant | ||
| Scritōr: Dustin Lance Black | ||
| Atōr: Sean Penn • Emile Hirsch • Josh Brolin James Franco • Alison Pill • Victor Garber Diego Luna • Denis O'Hare • Joseph Cross | ||
| Müsica: Danny Elfman | ||
| Léngua: Ingléś | ||
| Dürä dal film: 128 minüt | ||
| Nasiōṅ: Stat Unî | ||
Milk (id.) 'l è 'n film dramàtic e biugràfic americàṅ dal 2008 ad Gus Van Sant, vinsidōr ad dū Prèmi Òscar par 'l atōr prutagunìsta (Sean Penn) e par la senegiadùra uriginàla (Dustin Lance Black), ólt'r a siē atri nomination.
La pelìcula, ch'l'à fat sù dagnóra sinquànta-sinc migliòṅ ad dòlar a frònt 'd un cóst ad vint, la cònta la vita 'd Harvey Milk, al prim gay dichiarâ a ès'r elèt a na carga pulìtiga in di Stat Unî.
Sunt
Dòp ès'r andâ a star a San Francisco, 'l asicuradōr ad New York Harvey Milk (Sean Penn) al decìd ad vèr'r un negòsi da futógràfar in dal quartēr ad Castro insém a 'l sò muróś Scott Smith (James Franco). Pasâ i quarànt'an, par purtàr avànti i dirìt di gay, Harvey al decìd ad candidàr-as cuma cunsilēr a gl'elesiòṅ dla sò sità, anc par cumbàt'r al léǵ cónt'r i lavuradōr fnòć dla cantànta Anita Bryant ch'la i vrév licensiàr. Dòp soquànt tintatìṿ andâ mâł, Milk al gh la cava a intràr in cunsìli dal sìndig demucràtic George Moscone (Victor Garber), anc cun 'l ajùt di sò amìg e culaburadōr ativìsta Cleve Jones (Emile Hirsch) e l'Anne Kronenberg (Alison Pill).
In cunsìli Milk al s cata a cumbàtar da spés c'n al pulìtig cunservadōr Dan White (Josh Brolin) ch'un dè, par vindéta, al decìd ad masàr lò e anc Moscone. Par chi dū masamènt chè White al s fà sōl sinc an ad parśòṅ, prima 'd èsar mandâ lìbar.