Drugstore Cowboy

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Drugstore Cowboy
Drugstore Cowboy
Drugstore Cowboy.png
La Kelly Lynch e Matt Dillon in na figùra dal film
Fighét par cal dóni
1989
Regia: Gus Van Sant
Scritùr: William S. Burroughs • James Fogle
Gus Van Sant • Daniel Yost
Atùr: Matt DillonKelly LynchHeather Graham
James Le GrosWilliam S. BurroughsEric Hull
James RemarMax PerlichGrace Zabriskie
Müsica: Elliot Goldenthal
Lengua: Ingléś
Dürä dal film: 100 minüt
Nasiòṅ: Stat Unî


«
La gint, dagnóra tuta, la n gh'à minga idéa ad qvél ch'la pruarà fra sinc minùt, p'r un drugâ 'l è difarènt: lōr i al sànan, 'l è abàsta lèśar n'etichéta.»


Drugstore Cowboy (Fighét par cal dóni) 'l è 'n film dramàtic americàṅ dal 1989 ad Gus Van Sant trat da 'n rumànś autobiougràfic ad James Fogle scrit in parśòṅ. In na part piculìna, qvéla dal prevòstar drugâ, a s véd anc al scritōr dla Beat Generation William S. Burroughs.

'L à vins quàtar prèmi a gl'Indipendent Spirit Awards dal 1990 e 'l à fat sù quàtar migliòṅ e sèt ad dòlar a frònt 'd un cóst ad dū e mèś.

Sunt

A Portland, in d'l Òregun, in di prim an Stanta i gh vìv'n un grup ad drugâ pódag, Bob Hughes (Matt Dillon), sò mujér Dianne (Kelly Lynch), al sò amìg Rick (James LeGros) e la sò muruśìna, la Nadine (Heather Graham). Chi lōr quàt'r i aṅ traplâ un piàṅ par fargàr dal dròghi e dal madśìni da 'l farmacìi e da gl'uśdài: méntar òṅ al fà finta 'd avér-ag quèl, dastraénd i mèdag, Bob al gh'à camp lìbar par purtàr via tut qvél ch'a gh vōl. Un pulisiòt dal repàrt ch'al cumbàt la dròga, Gentry (James Remar), al gh dà la casa ma sénsa sucès.

Bob al créd ch'a pòrta mâł dascórar c'n i caṅ e anc lasàr di capèi in sal lèt, sōl la Nadine la n gh créd briśa ma la pōl far pôc parchè praticamènt 'l è 'n còrp estér'n a 'l grup e pò la n è minga tant śmalisiàda. Un dè chi lē la mōr par 'n overdose e Bob al la saplìs in un bòsc. Cal fat chè 'l al ségna dimóndi tant ch'al decìd ad pruàr a saltàr-'g-an fóra, miténd-as cóntar però sò mujér.

Culegamènt estéran