Obsession - Complesso di colpa
|
C'l artìcul chè 'l è scrit in
Miranduléś |
 Obsession
| ||
| Obsession - Complesso di colpa | ||
 La Bujold e Robertson in na figùra dal film | ||
| Usesiòṅ - Cumplès ad cólpa 1976 | ||
|---|---|---|
| Regìa: Brian De Palma | ||
| Scritōr: Brian De Palma • Paul Schrader | ||
| Atōr: Geneviève Bujold • Sylvia Kuumba Williams Cliff Robertson • John Lithgow • Nick Kreiger Wanda Blackman • Don Hood • Stanley J. Reyes | ||
| Müsica: Bernard Herrmann | ||
| Léngua: Ingléś • Itagliàṅ | ||
| Dürä dal film: 98 minüt | ||
| Nasiōṅ: Stat Unî | ||
Obsession - Complesso di colpa (Usesiòṅ - Cumplès ad cólpa) 'l è 'n film thriller dal 1976 ad Brian De Palma ch'al 'l à anc scrit insém a Paul Schrader. 'L è stâ girâ a Firénse.
Custâ un migliòṅ e quàt'r ad dòlar a 'l incìrca, al 'n à pò fat sù quàt'r e quàtar.
Sunt
In dal 1959 la vita dal migliardàri Michael Courtland (Cliff Robertson) la patìs un brut cólp quànd na banda 'd laśaròṅ la gh pòrta via sò mujér Elizabeth (Geneviève Bujold) e la sò putìna Amy (Wanda Blackman). P'r avér-i indrē i rapidōr i gh dmànd'n un muć ad bèsi. La pulisìa però la gh cunsìlia 'd a n cédar minga e acsè lò al gh dà na valìś impinìda cun di fujét ad carta e 'n rilevadōr. Quànd i malvivènt i capìs'n al sò tragatèṅ e i s càt'n i pulisiòt tut 'd intóran, i decìdan ad scapàr via c'n al dū dóni sèg ma, durànt al viàś, i gh'aṅ 'n incidènt spavintóś ch'al fà sćiupàr la màchina. Courtland al s tōś lò la cólpa dla mòrt ad sò mujér e ad sò fiōla.
Quìnd'ś an dòp la sò usesiòṅ par la daśgràsia ch'l à cuntribuî a far sucédar la n gh'è incóra pasàda. 'L óm al và sèmp'r a viśitàr al mununènt dla céśa che lò 'l à fat tiràr sù tgnénd a mènt a 'l pòst in dua 'l iva cgnusû l’Elizabeth dimóndi an prima a Firénse. Quànd al sò sòci Robert LaSalle (John Lithgow) al gh dmanda 'd andàr sèg p'r un viàś 'd afâr in dla sità tuscàna, lò al gh và e là al véd na dóna cumpàgna a sò mujér, la Sandra Portinari. Michael al taca a 'ndàr-'g a drē, faghénd-la dvintàr prima cumpàgna a l’Elizabeth e pò spuśànd-la. Durànt la prima nòt ad matrimòni, la Sandra la vèṅ purtàda via e, cuma 'l éra sucès tant tèmp fà, Courtland al cata 'n mesàǵ cumpàgn a qvél ch'i gh'ìvan scrit in alóra i vèć rapidōr.