New Hampshire

Da Wikipedia.
C'l artìcul chè 'l è scrit in Miranduléś Emiliàn
Al stéma dal New Hampshire
La bandéra dal New Hampshire
Al New Hampshire (in rós) a 'l intéran di Stat Unî


Al New Hampshire (a s lèś [nuːˈhæmpʃər] in ingléś, scólta'l chè) 'l è 'n stat di Stat Unî ch'al s cata in dla regiòṅ dal New England, in dal nòrd-èst dal paéś, e ch'al s è unî a la federasiòṅ in dal 1788.

Al mùcia sù un migliòṅ e tarśènt-mila abitànt a 'l incìrca par na superfìsi ad 24.217 km². 'L è divìś in déś cuntèi e al gh'à duśènt-tretaquàtar cumùṅ. Al cunfìna a nòrd c'n al Cànada, a òvest c'n al Vermònt, a èst c'n al Maine e cun 'l Ucéan Atlàntic e a sud c'n al Massachusetts. In dal Śnar dal 1776 l'è stada la prima culògna a dastacàr-as da la Gran Bretàgna.

La sò guvernadōra, da 'l 2013, l'è la Maggie Hassan dal partî demucràtic.

La sò capitàl l'è Concord ma la sità più granda l'è Manchester ch'la riva a sènt-deśmìla abitant. Al sò mòt 'l è „Live Free or Die“ (Vìvar lìb'r o murìr) mént'r al sò scutmàj 'l è Al stat dal granì.

Al sò clima cuntinentàł e 'l sò muntàgni, al muntàgni biànchi, i aṅ cuciâ in élt al turìśum invernàł. 'L è 'l secónd stat dla federasiòṅ in fat ad furèsti par superfìsi dòp al Maine.

I sò prudót agrìcui più impurtànt i èṅ i póm e i derivâ da 'l lat méntar 'l alevamènt al tira sù bóv e pui p'r i óṿ. L'indùstria la lavóra i machinàri, aparéć letrònic, guma e plàstica.

Culegamènt estéran