Nebràska

Da Wikipedia.
C'l artìcul chè 'l è scrit in Miranduléś Emiliàn
Al stéma dal Nebràska
La bandéra dal Nebràska
Al Nebràska (in rós) a 'l intéran di Stat Unî


Al Nebràska (a s lèś /nəˈbræskə/ in Ingléś, scólta'l chè) 'l è 'n stat di Stat Unî ch'al s è unî a la federasiòṅ in dal 1867. Al sò mòt 'l è „Equality Before the Law“ (Ugualiànsa prima dla léǵ).

La sò capitàl, e secónda sità dal stat dòp Omaha, l'è Lincoln. Al Nebràska, ch'al mùcia sù un migliòṅ e òt 'd abitànt a 'l incìrca par na superfìsi ad 200.520 km², 'l è divìś in nuànta-tri cuntèi e in sincsènt-trènt'òṅ cumùṅ.

Al cunfìna a nòrd c'n al Dakòta dal Sud, a èst cun 'l Iowa, a sud-èst c'n al Missouri, a sud c'n al Kànsas, a sud-òvest c'n al Culuràdo e a òvest c'n al Wyoming. Al sò guvernadōr, da 'l 2015, 'l è 'l republicàṅ Pete Ricketts.

AL 90% di cristiàṅ i èṅ cristiàṅ (61% e 28% catòlic), pò a gh'è 'n 9% ad gint ch'la n créd mia in Dio. Al stat 'l à abulî la péna 'd mòrt in dal 2015.

In dal Nebràska l'agricultùra l'è dimóndi impurtànta, specialmènt in dal camp dal graṅ, dal furmintòṅ, dla sòja e dla carna, qvéla di nimài in particulàr. Al tas ad diśucupasiòṅ 'l è 'l più bas di Stat Unî, sōl al 2,5% in d'l Avrìl dal 2015.

Culegamènt estéran