Molto incinta

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Knocked Up
Molto incinta
Molto incinta.png
Jonah Hill e Seth Rogen in na figùra dal film
Dimóndi gravda
2007
Regia: Judd Apatow
Scritùr: Judd Apatow
Atùr: Katherine HeiglSeth RogenPaul Rudd
Jonah HillLeslie MannJason Segel
Jay BaruchelJames FrancoJessica Alba
Müsica: Joe Henry • Loudon Wainwright III
Lengua: Ingléś
Dürä dal film: 129 minüt
Nasiòṅ: Stat Unî


«
Chi lē l'è gravda!»
(Tagline dal film)


Molto incinta (Dimóndi gravda) l'è na cumèdia americàna dal 2007 ad Judd Apatow ch'al l'à anc scrita. In dla culòna sunóra dal film i s càtan di pès di Scorpions (Rock You Like a Hurricane), dla Britney Spears (Toxic), di The B-52's (Rock Lobster), ad Tommy Lee (Ashamed) e àt'r incóra.

Custâ trénta migliòṅ ad dòlar, al film al gh'à abû pò un sucès clamuróś e al 'n à fat sù dagnóra duśènt-vint.

Sunt

Ben Stone (Seth Rogen) 'l è 'n bòṅdagnìnt ad vint-a-tri an scansa-fadìghi e vilàṅ cun pôca vója 'd crés'r e 'd lavuràr. 'L à lasâ 'l Cànada in du 'l è nâ p'r andàr a star a Los Angeles e 'l tira avànti druànd i bèsi ch'la gh'à dâ l'asicurasiòṅ p'r un vèć infurtùni a i tèmp dla scōla. Insém a i sò amìg Jason (Jason Segel), Jay (Jay Baruchel), Jonah (Jonah Hill) e Martin (Martin Starr), di sfigâ cumpàgn a lò, al pasa 'l sò tèmp a tgnir adrē a 'n sit internet specialiśâ in dal butàr śò i tìtui di film e i minùt precìś in du i s védan dal dóni nûdi: téti, cûi e pasarìni. Òṅ di film ch'i guàrdan da spés 'l è Sex Crimes - Giochi pericolosi in du la Neve Campbell e la Denise Richards i gh dànan dènt'r a la granda.

L’Alison Scott (Katherine Heigl) l'è na ragàsa in caréra ch'l'à péna abû na prumusiòṅ da 'n canàł televiśìṿ par far dgl'intervìsti a di persunàǵ famóś cuma James Franco (James Franco), la Jessica Alba (Jessica Alba), Steve Carell (Steve Carell) e l’Eva Mendes (Eva Mendes). La gh'à na surèla più granda ciamàda Debbie (Leslie Mann), ch'la fà fadìga a mandàr śò i an ch'i pàsan, cun dū putìni pìculi abùdi da sò marè Pete (Paul Rudd).

Par festegiàr la nutìsia d'l incàrag nóṿ acsè impurtànt, l’Alison la decìd 'd andàr a balàr in discutéca in du la cgnós Ben. Mèśa ciùca la 'l invìda pò a cà sua e i finìsan par gusàr giùst par na bòta e via. Ma quànd i s fànan cal purcàdi lè sénsa tōr dal precausiòṅ a pōl pò sucédar 'd armàgn'r insìnta. E 'l è qvél ch'a gh sucéd dabòṅ.

Culegamènt estéran