Jessica Alba

Da Wikipedia.
C'l artìcul chè 'l è scrit in Miranduléś Emiliàn
La Jessica tòlta śò in dal 2011


La Jessica Marie Alba, cgnusùda méj cuma Jessica Alba (Pumóna, 28 'd Avrìl dal 1981), l'è n'atōra e mudèla americàna. L'è élta 169 cm e la péśa 55 chilo. Al sò miśuri i èṅ 89-62-90.

Prima 'd pasàr a far l'atōra a 'l cìnema la s è fata i òs in soquànti séri televiśìvi cuma Beverly Hills 90210 e Dark Angel.

Biugrafìa

Dòp dū pelìculi interesànti ma cun na distribusiòṅ limitàda cuma Paranoid e Piccolo dizionario amoroso, in dal 2003 la Jessica la tōś part a la cumèdia muśicàla Honey. In séguit la gira insém a Paul Walker al film 'd asiòṅ Trappola in fondo al mare e pò la ciàpa 'l rōl dla Susan Storm, la Dóna Inviśìbla, in di film di Quàtar Fantàstic ad Tim Story I Fantastici 4 (2005) e I Fantastici 4 e Silver Surfer (2007). Dòp al film ad scarésa The Eye dal 2008, arfacimènt dna pelìcula cinéśa di Fradèi Pang, la gira The Killer Inside Me par Michael Winterbottom, un thriller in du la fà na bruta fiṅ.

La lavóra pò c'n al regìsta Robert Rodriguez in Machete (2010), in Spy Kids 4 - È tempo di eroi (2011), in Machete Kills (2013), e in Sin City - Una donna per cui uccidere (2014) dòp avér fat la Nancy Callahan anc in dla pelìcula Sin City dal 2005.

Filmugrafìa

L'Alba a 'l Comic-Con International ad San Diego dal 2014
L'atōra califurgnàna in dal 2007
La Jessica a la prima 'd Lóndra dal film „I Quàtar Fantàstic“

Culegamènt estéran