Paul Rudd

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Paul Rudd tòlt śò in dal 2009


Paul Stephen Rudd, cgnusû méj cuma Paul Rudd (Passaic, 6 'd Avrìl dal 1969) 'l è 'n atōr, senegiadōr, ardupiadōr e prudutōr americàṅ. In dal Luj dal 2015 i gh'aṅ dâ na stéla in dla Hollywood Walk of Fame ad Los Angeles.

In dla sò caréra 'l à recitâ anc in soquànt telefìlm cuma Sisters e Friends, chè faghénd la part ad Mike Hannigan. In dal 2003 'l à spuśâ la prudutōra Julie Yaeger ch'la gh'à dâ dū fiōi.

Biugrafìa

Urigìnari dal New Jersey e fiōl dna còpia 'd ebrèj britànic, Rudd al taca la sò caréra a 'l cìnema in dal 1995 girànd la cumèdia Ragazze a Beverly Hills cun l'Alicia Silverstone e 'l film ad scarésa Halloween 6 - La maledizione di Michael Myers. 'L an dòp 'l è tùran dal rumàntic Romeo + Giulietta, pelìcula cun prutagunìsta Leonardo DiCaprio, pò a riva 'l dramàtic Le locuste cun Vince Vaughn e l'Ashley Judd.

In dal 1997 al gh'à la sò prima part da prutagunìsta in dal film L'oggetto del mio desiderio in du 'l rècita la part 'd un gay a fiànc dla Jennifer Aniston ch'la laurarà sèg in dal telefìlm Friends da 'l 2002 a 'l 2004. In dal 1999 al tōś part a na cumèdia prudóta par MTV da 'l tìtul 200 Cigarettes ch'in dal cast la gh'à anc Ben e Casey Affleck, la Kate Hudson, la Courtney Love, la Christina Ricci e Elvis Costello in un camèo.

In di an Dumìla al gira dimóndi cumèdi cuma 40 anni vergine, Molto incinta e Questi sono i 40 ad Judd Apatow, Una notte al museo cun Ben Stiller e Robin Williams, Prima o poi s...vengo! cun Danny DeVito, Non mi scaricare ad Nicholas Stoller e Nudi e felici cun la Jennifer Aniston.

In dal 2015 al ciàpa la part dal persunàǵ di Vendicadōr Ant-Man (Óm-Furmìga) in dla pelìcula fantàstica 'd Peyton Reed Ant-Man, trata da 'n fumét dla Marvel Comics. Ruud al farà incóra cal rōl chè anc 'l an dòp in Captain America: Civil War.

Filmugrafìa

Paul a la sètma edisiòṅ di Annual Breakthrough Awards dla rivìsta Hollywood Life Magazine
Un sò prim piàṅ dal 2013
Ruud in na fóto dal 2015

Culegamènt estéran

Àtar prugèt