Mike Nichols
|
C'l artìcul chè 'l è scrit in
Miranduléś |
Michael Igor Peschkowsky, cgnusû méj cuma Mike Nichols (Berlîṅ, 6 ad Nuvémbar dal 1931 - New York, 19 ad Nuvémbar dal 2014), 'l è stâ 'n regìsta americàṅ vinsidōr 'd al Prèmi Òscar dal 1968 p'r al film Il laureato.
Biugrafìa
Fiōl 'd un studiōś rus cun di urìgini ebrèi, Nichols da pìcul 'l è custrét a scapàr via da la Germâgna in dal 1939 quànd Adolf Hitler al dà vita a 'l léǵ rasìsta. La sò famìja la s stablìs a Chicago ma in dal 1943 sò pàd'r al mōr in guèra. Mike al s inśégna a far incòsa pò al và a studiàr a 'l Actor's Studio a New York. In di an Sinquànta al lavóra cun l'Elaine May a Broadway.
A trénta-sinc an in dal 1966 al gira 'l sò prim film, Chi ha paura di Virginia Woolf? (Chi gh'à paùra dla Virginia Woolf?), cun prutagunìsta l'Elizabeth Taylor. C'n al secónd film, Il laureato (Al laureâ), al vins al Prèmi Òscar e la sò caréra e qvéla ad Dustin Hoffman i ciàp'n al vōl.
Cun Jack Nicholson al gira tri film: Conoscenza carnale (Cgnusénsa carnàla, 1971), Due uomini e una dote (Dū óm e na dòta, 1974) e Wolf - La belva è fuori (Lóv - La bistiàsa l'è fóra, 1994). Al lavóra anc cun la Meryl Streep in Silkwood dal 1984 e in Cartoline dall'inferno (Cartulìni da 'l Infèran) dal 1990, cun Harrison Ford in A proposito di Henry (A prupòśit 'd Henry, 1991) e cun Robin Williams in Piume di struzzo (Lumi ad strus, 1996) arfacimènt dal film Il vizietto.
Fra i sò ùltim film, I colori della vittoria (I culōr dla vìnsida, 1988) e Closer.
Filmugrafìa
- 1966 - Chi ha paura di Virginia Woolf? (Who's Afraid of Virginia Woolf?)
- 1967 - Il laureato (The Graduate)
- 1968 - Teach Me! curtumetràǵ
- 1970 - Comma 22 (Catch-22)
- 1971 - Conoscenza carnale (Carnal Knowledge)
- 1973 - Il giorno del delfino (The Day of the Dolphin)
- 1974 - Due uomini e una dote (The Fortune)
- 1980 - Gilda Live ducumentàri
- 1984 - Silkwood
- 1986 - Heartburn - Affari di cuore (Heartburn)
- 1987 - Frenesie... militari (Biloxi Blues)
- 1988 - Una donna in carriera (Working Girl)
- 1990 - Cartoline dall'inferno (Postcards from the Edge)
- 1991 - A proposito di Henry (Regarding Henry)
- 1994 - Wolf - La belva è fuori (Wolf)
- 1996 - Piume di struzzo (The Birdcage)
- 1998 - I colori della vittoria (Primary Colors)
- 2000 - Da che pianeta vieni? (What Planet Are You From?)
- 2001 - La forza della mente (Wit) film TV
- 2003 - Angels in America miniserie TV
- 2004 - Closer
- 2007 - La guerra di Charlie Wilson (Charlie Wilson's War)