Piume di struzzo

Da Wikipedia.

C'l artìcul chè 'l è scrit in Miranduléś Emiliàn

The Birdcage
Piume di struzzo

Lane, Williams e Hackman in na figùra dal film
Piùmi ad strus
1996
Regìa: Mike Nichols
Scritōr: Jean Poiret • Francis Veber
Elaine May • Édouard Molinaro • Marcello Danon
Atōr: Robin WilliamsGene Hackman
Nathan LaneDianne WiestCalista Flockhart
Dan FuttermanHank AzariaTom McGowan
Christine BaranskiGrant HeslovKirby Mitchell
Müsica: Stephen Sondheim
Léngua: Ingléś
Dürä dal film: 117 minüt
Nasiōṅ: Stat Unî


«
Vgnî pur cum a sî mis.»
(Tagline dal film)


Piume di struzzo (Piùmi ad strus) l'è na cumèdia americàna dal 1996 ad Mike Nichols trata da n'òpra teatràla ad Jean Poiret, “La cage aux folles”. 'L è 'l arfacimènt 'd un film francéś e itagliàṅ dal 1978, Il vizietto, 'd Edouard Molinaro cun Ugo Tognazzi.

Al film 'l è stâ un sucès cumersiàł dimóndi grand parchè 'l à muciâ sù da piò ad sènt-utantasìnc migliòṅ ad dòlar esénd-an custâ sōl trént'òṅ.

Sunt

Albert (Nathan Lane) 'l è 'n chichèṅ in là c'n i an ch'al s śibìs ad nòt c'n al nóm 'd art ad “Starina” in un lucàł dla Flòrida ciamâ “The bird cage” (La gàbia di uśèi) che lò al pòrta avànti insém a 'l sò muróś Armand (Robin Williams).

Na sira a riva da lōr Val (Dan Futterman), al fiōl che Armand al gh'à abû da śōvan, par dir a sò pàdar ch'al gh'à da spuśàr-as da lì a pôc cun la Barbara (Calista Flockhart), fiōla 'd un senadōr cunservadōr e dasćiòldacrìst dal Partî Republicàṅ, Kevin Keeley (Gene Hackman). Par far in manéra 'd avér la sò benedisiòṅ, la ragàsa la gh diś ch'al pàdar dal sò fidansâ 'l è 'n diplumàtic impurtànt ch'al lavóra in Grécia.

Quànd un scàndal al màcia la reputasiòṅ dal partî, al senadōr al s dà da far par cgnós'r i genitōr dal sò futûr śéndar sprand acsè ch'un matrimòni secónd al tradisiòṅ al pòsa catàr 'l apòǵ e 'l gradimènt dla gint. Par lugàr la fnuciarìa 'd Albert, Armand al gh mét na pirùca in cô e pò al fà finta ch'al sia sò mujér. Ma durànt la séna a sucéd da tut.

Culegamènt estéran