Meryl Streep
|
C'l artìcul chè 'l è scrit in
Miranduléś |
La Mary Louise Streep, cgnusùda méj cuma Meryl Streep (Summit, 22 'd Śugn dal 1949), l'è n'atōra, ardupiadōra e prudutōra 'd film americàna, batśàda da spés da i giurnài cuma la più granda atōra dla sò generasiòṅ [1] [2].
In dla sò caréra l'è stada candidàda par daśnóṿ vòlti a i Prèmi Òscar, un rècord, vinsénd-an tri p'r i film Kramer contro Kramer (1979), La scelta di Sophie (1982) e The Iron Lady (2011). La gh'è invéci andàda mâł in dal pelìculi Il cacciatore (1978), La donna del tenente francese (1981), Silkwood (1983), La mia Africa (1985), Ironweed (1987), Un grido nella notte (1988), Cartoline dall'inferno (1990), I ponti di Madison County (1995), La voce dell'amore (1998), La musica del cuore (1999), Il ladro di orchidee (2002), Il diavolo veste Prada (2006), Il dubbio (2008), Julie & Julia (2009), I segreti di Osage County (2013) e Into the Woods (2014).
Biugrafìa
Uriginària dal New Jersey, a dód'ś an la và a lesiòṅ ad cant pò la stùdia recitasiòṅ laureànd-'s in art dramàtica a la Yale Drama School faghénd in séguit al sò debùt a teàtar.
In dal 1975 la s fà avànti par recitàr in dal film King Kong ma Dino De Laurentis al la dascàrga parchè „L'éra tròp bruta“[3]. La Streep la gira la sò prima pelìcula dū an dòp par Fred Zinnemann, Giulia, ma 'l è in dal 1978 ch'la s fà nutàr c'n Il cacciatore ad Michael Cimino ch'la gh fruta na nomination a i Prèmi Òscar e cun la minisérie televiśìva Ulucàust ch'la gh fà ciapàr 'n Emmy.
La Meryl la gira pò Kramer contro Kramer in du la s litga cun Dustin Hoffman in na batàja giudisiària par tgnir sèg sò fiōl Bill dòp la fiṅ dal matrimòni. La part dla Joanna la gh fà vìns'r al Prèmi Òscar e la sò caréra la ciàpa 'l vōl. La Streep la lavóra cun Woody Allen (Manhattan), cun Robert Benton (Una lama nel buio), c'n Alan J. Pakula (La scelta di Sophie, àtar Prèmi Òscar par la part dna dóna pulàca parśunēra in un lager naśìsta), cun Mike Nichols (Silkwood), cun Ulu Grosbard (Innamorarsi insém a Robert De Niro) e cun Sydney Pollack (La mia Africa).
.jpg)
Dòp dū film girâ cun Jack Nicholson, Heartburn - Affari di cuore e Ironweed, in dal 1989 la vins la Palma 'd Òr a 'l Fèstival ad Cannes par la sò part in Un grido nella notte ispiràda a 'n fat sucès dabòṅ dna dóna austragliàna misa in parśòṅ par śbali parchè i giùdas i cardìvan ch'l'is cupâ lē la sò putìna quànd invéci l'éra stâ 'n ding a purtàr-la via e a magnàr-la.
In di an Nuànta la gira la cumèdia La morte ti fa bella, in du la fà a gara cun la Goldie Hawn p'r arfàr-as da piò, pò la gira 'l thriller ad Curtis Hanson The River Wild - Il fiume della paura, al film rumàntic I ponti di Madison County ad Clint Eastwood e la pelìcula La stanza di Marvin cun Robert De Niro, Leonardo DiCaprio e la Diane Keaton. P'r al film ad Wes Craven La musica del cuore l'impàra dabòṅ a sunàr al viulèṅ.
In dal 2001 la lavóra cun Steven Spielberg in AI - Intelligenza artificiale, pelìcula ch'al gh'iva da giràr Stanley Kubrick s'al n fus minga mòrt in cal méntar. In dal 2002 la fà na lèśbica in The Hours, recitâ insém a la Nicole Kidman e a la Julianne Moore, ch'la gh fruta na candidadùra a i Golden Globe. In dal 2004 la tōś part insém a Denzel Washington a 'l thriller The Manchurian Candidate pò dū an dòp la figùra in d'l ùltim film ad Robert Altman, Radio America, e in dla cumèdia Il diavolo veste Prada.
In dal 2008 l'è la prutagunìsta ad Mamma Mia!, adatamènt p'r al cìnema 'd un musical teatràl ch'al dróa 'l canti dal grup śvedéś di Abba, e 'd Il dubbio in du a s dascór d'l argumènt di “prēt pedòfil”[4].
In dal 2011 la vins al sò tèrs Prèmi Òscar faghénd la “Sgnōra 'd Fèr”, la Margaret Thatcher, in dla pelìcula The Iron Lady. Tri an dòp la gira 'n àtar musical, Into the Woods, ch'al mìsćia insém soquànti fòli cuma Cenerentola, Cappuccetto Rosso, Raperonzolo e Jack e la pianta di fagioli.
Filmugrafìa
- 1977 - Giulia (Julia), regìa ad Fred Zinnemann
- 1978 - Il cacciatore (The Deer Hunter), regìa ad Michael Cimino
- 1979 - Manhattan, regìa ad Woody Allen
- 1979 - La seduzione del potere (The seduction of Joe Tynan), regìa ad Jerry Schatzberg
- 1979 - Kramer contro Kramer (Kramer vs. Kramer), regìa ad Robert Benton
- 1981 - La donna del tenente francese (The French Lieutenant's Woman), regìa ad Karel Reisz
- 1982 - Una lama nel buio (Still of the Night), regìa ad Robert Benton
- 1982 - La scelta di Sophie (Sophie's Choice), regìa 'd Alan J. Pakula
- 1983 - Silkwood, regìa ad Mike Nichols
- 1984 - Innamorarsi (Falling in Love), regìa 'd Ulu Grosbard
- 1985 - Plenty, regìa ad Fred Schepisi
- 1985 - La mia Africa (Out of Africa), regìa ad Sydney Pollack
- 1986 - Heartburn - Affari di cuore (Heartburn), regìa ad Mike Nichols
- 1987 - Ironweed, regìa 'd Hector Babenco
- 1988 - Un grido nella notte (A Cry in the Dark), regìa ad Fred Schepisi
- 1988 - She-Devil - Lei, il diavolo (She-Devil), regìa dla Susan Seidelman
- 1990 - Cartoline dall'inferno (Postcards from the Edge), regìa ad Mike Nichols
- 1991 - Prossima fermata: paradiso (Defending Your Life), regìa 'd Albert Brooks
- 1992 - La morte ti fa bella (Death Becomes Her), regìa ad Robert Zemeckis
- 1993 - La casa degli spiriti (The House of the Spirits), regìa ad Bille August
- 1994 - The River Wild - Il fiume della paura (The River Wild), regìa ad Curtis Hanson
- 1995 - I ponti di Madison County (The Bridges of Madison County), regìa ad Clint Eastwood
- 1996 - Prima e dopo (Before and After), regìa ad Barbet Schroeder
- 1996 - La stanza di Marvin (Marvin's Room), regìa ad Jerry Zaks
- 1998 - Ballando a Lughnasa (Dancing at Lughnasa), regìa ad Pat O'Connor
- 1998 - La voce dell'amore (One True Thing), regìa ad Carl Franklin
- 1999 - La musica del cuore (Music of the Heart), regìa ad Wes Craven
- 2002 - Il ladro di orchidee (Adaptation.), regìa ad Spike Jonze
- 2002 - The Hours, regìa ad Stephen Daldry
- 2003 - Fratelli per la pelle (Stuck on You), regìa ad Peter e Bobby Farrelly
- 2004 - The Manchurian Candidate (The Manchurian Candidate), regìa ad Jonathan Demme
- 2004 - Lemony Snicket - Una serie di sfortunati eventi (Lemony Snicket's a Series of Unfortunate Events), regìa ad Brad Silberling
- 2005 - Prime, regìa ad Ben Younger
- 2006 - Radio America (A Prairie Home Companion), regìa ad Robert Altman
- 2006 - Il diavolo veste Prada (The Devil Wears Prada), regìa ad David Frankel
- 2007 - Dark Matter, regìa ad Shi-Zheng Chen
- 2007 - Un amore senza tempo (Evening), regìa ad Lajos Koltai
- 2007 - Rendition - Detenzione illegale (Rendition), regìa ad Gavin Hood
- 2007 - Leoni per agnelli (Lions for Lambs), regìa ad Robert Redford
- 2008 - Mamma Mia!, regìa dla Phyllida Lloyd
- 2008 - Il dubbio (Doubt), regìa ad John Patrick Shanley
- 2009 - Julie & Julia, regìa dla Nora Ephron
- 2009 - È complicato (It's Complicated), regìa dla Nancy Meyers
- 2011 - The Iron Lady, regìa dla Phyllida Lloyd
- 2012 - Il matrimonio che vorrei (Hope Springs), regìa ad David Frankel
- 2013 - I segreti di Osage County (August: Osage County), regìa ad John Wells
- 2014 - The Giver - Il mondo di Jonas (The Giver), regìa ad Phillip Noyce
- 2014 - The Homesman, regìa ad Tommy Lee Jones
- 2014 - Into the Woods, regìa ad Rob Marshall
- 2015 - Dove eravamo rimasti (Ricki and the Flash), regìa ad Jonathan Demme
- 2015 - Suffragette, regìa dla Sarah Gavron
- 2016 - Florence Foster Jenkins, regìa ad Stephen Frears
Culegamènt estéran
Nòti
- ↑ Meryl Streep, parchè lē l'è la mijóra 'd tuti Donne Europa, 5 ad Favràr dal 2014
- ↑ Meryl Streep - A 'l sò, l'Amèrica la dirà: Incóra lē? Ma l'è l'ultma vòlta La Stampa, 28 ad Favràr dal 2012
- ↑ «Ag bruta!». Cal chè qvél ch'l iva dit Dino De Laurentiis dla Meryl Streep a 'l sò pruvèṅ Best Movie, 23 ad Śugn dal 2015
- ↑ Meryl, da 'l musical a i prēt pedòfil. In "Al Dubi" na próa da Òscar La Repubblica, 27 ad Śnar dal 2009
Wikiquote contiene citazioni di o su Meryl Streep
Wikimedia Commons contiene file multimediali su Meryl Streep
