Comma 22

Da Wikipedia.

C'l artìcul chè 'l è scrit in Miranduléś Emiliàn

Catch-22
Comma 22

Anthony Perkins e Alan Arkin in na figùra dal film
id.
1970
Regìa: Mike Nichols
Scritōr: Joseph Heller • Buck Henry
Atōr: Alan ArkinMartin BalsamArt Garfunkel
Martin SheenOrson WellesAnthony Perkins
Jon VoightRichard BenjaminBob Newhart
Müsica: John Philip SousaRichard Strauss
Léngua: IngléśItagliàṅ
Dürä dal film: 122 minüt
Nasiōṅ: Stat Unî


«
Chi è mat al pōl dmandàr 'd ès'r eśunerâ da 'l misiòṅ in vōl, ma chi dmanda 'd ès'r eśunerâ da 'l misiòṅ in vōl al n è minga mat.»
(Tagline dal film)


Comma 22 (id.) 'l è 'n film ad guèra americàṅ dal 1970 ad Mike Nichols trat da 'l rumànś umònim ad Joseph Heller. La pelìcula l'è stada candidàda a 'n Prèmi BAFTA in dal 1971.

Cal film chè, ch'l è stâ girâ in Mèsic e par na part anc a Róma, 'l è stâ bòṅ ad far sù da dagnóra vint-sinc migliòṅ ad dòlar dòp ès'r-an custâ daśdòt.

Sunt

Al capitàṅ 'd aviasiòṅ d'l eśèrcit americàṅ John Yossarian (Alan Arkin), durànt la secónda guèra mundiàla, al cumbàt in Európa da na baś dal mar Mediterràneo a Pianóśa. Stuf ad far dal misiòṅ ad vōl e 'd risćiàr la sò vita e murìr cuma i aṅ bèla fat di sò cumpàgn, John 'l inśégna 'n piàṅ par far-'s eśuneràr, qvél ad far-as pasàr par mat. Purtròp al dutōr Daneeka (Jack Gilford) al gh spiéga ciàr e tónd che p'r al Comma 22 la sò strulgàda 'l è impusìbil ch'la gh'àppia sucès parchè i mat i pōl'n anc dmandàr 'd èsar rifurmâ ma se òṅ al 'l admànda a vōl dir ch'al n è briśa mat.

In cal mént'r al culunèl Cathcart (Martin Balsam) al decìd ad dar-ag dèntar c'n al misiòṅ, al tenènt Milo Minderbinder (Jon Voight) al s dà da far c'n al marcâ in négar, al capitàṅ Aardvark (Charles Grodin) al cópa na ragàsa ch'l iva viulentâ par far-la taśēr e 'l tenènt Nately (Art Garfunkel) al s inamóra dna putàna.

Yossarian al decìd alóra ad scapàr via in canòt vèrs la Śvèsia.

Culegamènt estéran