Da che pianeta vieni?

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg What Planet Are You From?
Da che pianeta vieni?
Da che pianeta vieni.png
La Linda Fiorentino e Garry Shandling in na figùra dal film
Da che pianéda daśvìn-at tè?
2000
Regia: Mike Nichols
Scritùr: Garry Shandling • Michael Leeson
Ed Solomon • Peter Tolan
Atùr: Garry ShandlingAnnette BeningJudy Greer
John GoodmanBen KingsleyLinda Fiorentino
Müsica: Carter Burwell
Lengua: Ingléś
Dürä dal film: 105 minüt
Nasiòṅ: Stat Unî


«
Par salvàr al sò pianéda, 'n aglièṅ al gh'à da catàr na dóna teréstra ch'la gh dia 'n fiōl. Sarà'l bòṅ ad far-al?»
(Tagline dal film)


Da che pianeta vieni? (Da che pianéda daśvìn-at tè?) l'è na cumèdia americàna dal 2000 ad Mike Nichols.

Custâ ssanta migliòṅ ad dòlar, al film al 'n à pò muciâ sù sōl quatórdas.

Sunt

In un sistéma sulàr luntàṅ da la Tèra a gh'è 'n pianéda ch'l è dimóndi avànti in fat ad tecnulugìa ma dimóndi indrē in fat ad sentimènt, inólt'r i gh stànan sōl di masć dònca 'l è 'n prubléma pinsàr ad far di fiōi. Par purtàr avànti listés la rasa, Graydon (Ben Kingsley) al decìd ad mandàr su la Tèra H144-6 (Garry Shandling) però prima al gh fà tacàr 'n uśèl artifisiàł, che quànd 'l al dróa al stusa da piò 'd un tràpan, parchè lōr i n gh 'l ànan minga.

Rivâ a Phoenix in Ariśòna, 'l aglièṅ al tōś al nóm 'd Harold Anderson e al taca a far al banchēr. Chè al cgnós soquànti dóni, cuma l’Helen Gordon (Linda Fiorentino), ma a n gh'è gnint da far. Alóra par far dal cunquìsti al decìd ad tgnir adrē a 'n sò culéga spuśâ, Perry Gordon (Greg Kinnear), ch'al và a di incóntar di imbariagòs anònim. Lè 'l incróśa la Susan (Annette Bening), na dóna ch'l'à sèmpar tribulâ in dla vita, e a pâr ch'al ròbi i s fàg'n interesànti parchè chi lē la s vèra sèg. A gh'è sōl un quèl: la Susan l'è na dóna a l'antìga e prima 'd gusàr la vōl spuśàr-as.

In cal mént'r un tisi ciamâ Roland (John Goodman), impiegâ in dla sucietà di aparéć federài, 'l è sicûr che lò al daśvégna da 'n àtar pianéda e al vōl ès'r al prim a tiràr-ag via la mascra.

Culegamènt estéran