L'amore che resta
|
C'l artìcul chè 'l è scrit in
Miranduléś |
 Restless
| ||
| L'amore che resta | ||
 La Wasikowska e Hopper in na figùra dal film | ||
| 'L amōr ch'a 'rmàgn 2011 | ||
|---|---|---|
| Regìa: Gus Van Sant | ||
| Scritōr: Jason Lew | ||
| Atōr: Henry Hopper • Mia Wasikowska • Chin Han Schuyler Fisk • Lusia Strus • Jane Adams Ryô Kase • Christopher D. Harder • Morgan Lee | ||
| Müsica: Danny Elfman | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
L'amore che resta (’L amōr ch'a 'rmàgn) 'l è 'n film dramàtic americàṅ dal 2011 ad Gus Van Sant cun prutagunìsta Henry Hopper, fiōl ad Dennis Hopper e chè a 'l sò debùt, la Mia Wasikowska e la Schuyler Fisk, fiōla dla Sissy Spacek. 'L è stâ girâ in Òregun e 'l è stâ preśentâ a'l 64śum Fèstival ad Cannes.
Custàda òt migliòṅ ad dòlar, la pelìcula la 'n à pò muciâ sù gnanc duśènt-mila.
Sunt
Enoch Brae (Henry Hopper) 'l è 'n ragàs ch'l à pardû i sò genitōr da pìcul parchè 'n inbariagòs al gh'è andâ adòs in màchina. Anc lò 'l éra in màchina sèg ma al s è salvâ. Adès al viṿ cun sò sîna Mabel (Jane Adams) ch'l'à fat dimóndi sacrifìsi par tiràr-al sù e ch'l'à mulâ incòsa a Seattle p'r andàr da lò. Enoch al n gh'à minga di amìg a part un fantàśma 'd un kamikaze giapunéś mòrt durànt la secónda guèra mundiàla, Hiroshi Takahashi (Ryô Kase). Par pasàr-'s al tèmp al śōvan al và a tut i funeràł dla sità anc s'al n sà minga ch'i sìan i mòrt. 'L è a 'l ubitòri ch'al cgnós na ragàsa rósa 'd cavìi, l’Annabel Cotton (Mia Wasikowska), ch'la sà tut di uśèi e ch'la gh'à sōl tri méś da scampàr parchè la gh'à 'n cànc'r a 'l sarvèl. La ragàsa la viṿ insém a na màd'r imbariagòsa, la Rachel (Lusia Strus), e a na surèla più granda ch'la gh tîṅ adrē, l’Elizabeth (Schuyler Fisk).
L’Annabel e Enoch i dvènt'n amìg e muróś.