Kevin Spacey

Da Wikipedia.

C'l artìcul chè 'l è scrit in Miranduléś Emiliàn

Kevin Spacey tòlt śò in dal 2011


Kevin Spacey Fowler, cgnusû méj cuma Kevin Spacey (South Orange, 26 ad Luj dal 1959) 'l è 'n atōr, senegiadōr, regìsta e prudutōr americàṅ, vinsidōr ad dū Prèmi Òscar p'r al pelìculi I soliti sospetti (1996 cuma atōr minga prutagunìsta) e American beauty (2002 cuma atōr prutagunìsta), film ch'al gh'à frutâ anc al Prèmi BAFTA e 'l Screen Actors Guild.

Da 'l sò bisàchi 'l à tirâ fóra i bèsi par pagàr al recùpar dal tèatar stòric lundinéś Old Vic ch'al gh'à pò fat al diretōr artìstic da 'l 2003 a 'l 2015. In d'l Utóbar dal 2017 'l è vgnû fóra dgénd 'd èsar gay.

Biugrafìa

Uriginàri dal New Jersey, Kevin da pìcul al spatìna cun la sò famìja a Los Angeles. Dvintâ śōv'n al decìd 'd andàr a New York par studiàr recitasiòṅ e par lauràr a Broadway.

Spacey in dal 2010

A la mità di an Utànta al tōś part a dū film ad Mike Nichols, Heartburn - Affari di cuore e Una donna in carriera, ma 'l è a 'l inìsi di an Nuànta ch'la sò caréra la ciàpa 'l vōl. In dal 1992 al rècita insém a Jack Lemmon e a Al Pacino in dal dramàtic Americani e in dal thriller Giochi d'adulti cun Kevin Kline. In dal 1996 al vins al sò prim Òscar faghénd Roger "Verbal" Kint in I soliti sospetti ad Bryan Singer, pò al lavóra cun Brad Pitt e Morgan Freeman in dal thriller Seven.

Prima 'd vìns'r un secónd Òscar in dal 1999 faghénd 'l óm in là c'n i an inamurâ dna ragasōla (Mena Suvari) in American beauty, al lavóra par Joel Schumacher, Al Pacino, Curtis Hanson in L.A. Confidential e Clint Eastwood.

In dal 2003 'l è prutagunìsta dla pelìcula The Life of David Gale in du a s dascór dla péna 'd mòrt in di Stat Unî. Tri an dòp al fà Lex Luthor in Superman Returns mént'r in dal 2009 al tōś part a la cumèdia L'uomo che fissa le capre insém a George Clooney e a Ewan McGregor. In séguit al gira 'l cumèdi Come ammazzare il capo... e vivere felici (2011) e Come ammazzare il capo 2 (2014).

Da 'l 2013 al fà 'l persunàǵ 'd Frank Underwood in dal telefìlm House of Cards - Gli intrighi del potere vinsénd un Golden Globe, dū Screen Actors Guild Awards e ciapànd soquànti nomination a i Prèmi Emmy.

Filmugrafìa

Kevin cun la maja di Baltimore Orioles
Spacey tòlt śò in dal 2008
'L atōr cun di uciài da sōl adòs
Un sò prim piàṅ

cuma atōr

cuma regìsta

Culegamènt estéran

Àtar prugèt