Mezzanotte nel giardino del bene e del male

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Midnight in the Garden
of Good and Evil
Mezzanotte nel giardino del bene e del male
Mezzanotte nel giardino del bene e del male.png
John Cusack e Kevin Spacey in na figùra dal film
Meśanòt in dal giardèṅ dal bèṅ e dal mâł
1997
Regia: Clint Eastwood
Scritùr: John Berendt • John Lee Hancock
Atùr: John CusackKevin SpaceyIrma P. Hall
Jack ThompsonJude LawAlison Eastwood
Müsica: Lennie Niehaus
Lengua: IngléśFrancéś
Dürä dal film: 155 minüt
Nasiòṅ: Stat Unî


«
Bèṅvgnû a Savànnah in dla Georgia. Na sità ad nòt caldi e masamènt a sangṿ fréd.»
(Tagline dal film)


Mezzanotte nel giardino del bene e del male (Meśanòt in dal giardèṅ dal bèṅ e dal mâł) 'l è 'n thriller dramàtic dal 1997 ad Clint Eastwood trat da 'l lìb'r umònim ad John Berendt senegiâ par John Lee Hancock. Al cònta di fat sucès dabòṅ.

Custâ trénta migliòṅ ad dòlar, al n gh l'à minga cavàda a mét'r i cònt in para parchè al 'n à fat sù sōl vint-sinc e òṅ.

Sunt

Al crunìsta John Kelso (John Cusack) al riva in dla sità ad Savànnah, in Geòrgia, par scrìvar 'n artìcul su la fèsta 'd Nadâl dal 1981 misa in pē p'r al migliardàri Jim Williams (Kevin Spacey) che, faghénd 'l antiquàri, 'l à muciâ sù i bèsi in présia. In dla sò vila i rìvan tut qvéi ch'i còntan dabòṅ.

Durànt al ricevimènt John al véd che Jim al s litga in dal sò studi c'n un śōvan rivâ lè tut 'd un trat, Billy Carl Hanson (Jude Law). Chi lò 'l è arliâ dimóndi ma 'l è ciàr ch'l è anc drugâ pód'g e imbariàg. Quànd tut i èṅ andâ via a sucéd na daśgràsia: Jim al tira 'n cōlp ad pistòla e 'l al cópa dgénd pò ch'al 'l à fat par difénd'r-as da lò. Kelso 'l armàgn in sità par scrìv'r un lìbar su qvél ch'l è sucès.

A diféndar 'l antiquàri a gh pènsa 'l avucàt Sonny Seiler (Jack Thompson). Durànt al prucès a s vèṅ a savēr ch'i dū i ér'n anc amànt. Dòp la depuśisiòṅ 'd un cantànt travestî, la Lady Chablis Deveau (Lady Chablis), 'l óm al vèṅ mandâ lìbar.

Culegamènt estéran