Karen Black
|
C'l artìcul chè 'l è scrit in
Miranduléś |
La Karen Blanche Ziegler, cgnusùda méj cuma Karen Black (Park Ridge, 1 ad Luj dal 1939 - Los Angeles, 8 'd Agóst dal 2013), l'è stada n'atōra americàna.
Biugrafìa
Fiōla dna scritōra vinsidōra ad soquànt prèmi Pulitzer, la Karen Black la rècita par la prima vòlta in dal film The Prime Time ad Gordon Weisenborn dal 1959. In dal 1969 la dvénta famóśa faghénd la part dla putàna in dal film Easy Rider cun Dennis Hopper e Peter Fonda.
In di an Stanta la gira soquànt di sò film più cgnusû cuma Cinque pezzi facili ad Bob Rafelson, Il giorno della locusta ad John Schlesinger, Nashville ad Robert Altman e Complotto di famiglia, ùltim film 'd Alfred Hitchcock. Cun Dan Curtis la gira dū film ad scarésa dimóndi fat bèṅ cuma Trilogia del terrore e Ballata macabra.
In dla sò caréra l'à purtâ a cà dū Golden Globe, rivànd anc a èsar numinàda p'r i Prèmi Òscar in dal 1971.
In dal 2010 i gh càt'n un càncar in dal stómag. La Karen la mōr ad cal mâl lè tri an dòp, a stanta-quàt'r an.
Soquànt di sò film
- 1966 - Buttati Bernardo! (You're a Big Boy Now) ad Francis Ford Coppola
- 1969 - Easy Rider (id.) ad Dennis Hopper
- 1970 - Cinque pezzi facili (Five Easy Pieces) ad Bob Rafelson
- 1971 - Yellow 33 (Drive, He Said) ad Jack Nicholson
- 1974 - Il grande Gatsby (The Great Gatsby) ad Jack Clayton
- 1975 - Airport '75 (id.) ad Jack Smight
- 1975 - Il giorno della locusta (The Day of the Locust) ad John Schlesinger
- 1975 - Trilogia del terrore (Trilogy of Terror) ad Dan Curtis film TV
- 1975 - Nashville (Id.) ad Robert Altman
- 1976 - Complotto di famiglia (Family Plot) 'd Alfred Hitchcock
- 1976 - Ballata macabra (Burnt Offerings) ad Dan Curtis
- 1978 - Capricorn One (Id.) ad Peter Hyams
- 1982 - Jimmy Dean, Jimmy Dean (Come Back to the Five and Dime, Jimmy Dean, Jimmy Dean) ad Robert Altman
- 1986 - Invaders (Invaders from Mars) ad Tobe Hooper
- 1999 - The Underground Comedy Movie, regìa ad Vince Offer
- 2001 - Soulkeeper ad Darin Ferriola
- 2003 - La casa dei 1000 corpi (House of 1000 Corpses) ad Rob Zombie
- 2005 - Dr. Rage, regìa ad Jeff Broadstreet