Trilogia del terrore
|
C'l artìcul chè 'l è scrit in
Miranduléś |
 Trilogy of Terror | ||
| Trilogia del terrore | ||
 La Black murśgàda da 'l putòć Zuni in na figùra dal film | ||
| Trilugìa dal terōr 1975 | ||
|---|---|---|
| Regìa: Dan Curtis | ||
| Scritōr: William F. Nolan • Richard Matheson | ||
| Atōr: Karen Black • Robert Burton • George Gaynes John Karlin • Kathryn Raynolds • Jim Storm Orin Cannon • Gregory Harrison • Tracy Curtis | ||
| Müsica: Bob Cobert | ||
| Léngua: Ingléś | ||
| Dürä dal film: 72 minüt | ||
| Nasiōṅ: Stat Unî | ||
Trilogia del terrore (Trilugìa dal terōr) 'l è 'n film ad scarésa americàṅ dal 1975 ad Dan Curtis girâ a Los Angeles (Califòrgna) p'r al marcâ televiśìṿ. Al gh'à abû un séguit dòp vint-i-òṅ an, Trilogia del terrore 2 sèmp'r ad Curtis.
La pelìcula, divìśa in tri epiśòdi cun prutagunìsta la Karen Black, la gh'iva da dar inìsi a na serie teteviśìva ma 'l prugèt al n à pò mai vdû la luś.
Sunt
[mudéfica la surzéia]Julie
[mudéfica la surzéia]N'insgnànta ad létri, la Julie (Karen Black), la patìs un ricàt da part 'd un sò studènt, Chad Foster (Robert Burton), ch'al la tira śò cavàda śò dòp avér-ag dâ la śdòrmia. Lē la fà finta ad star a 'l śōg ma pò la gh'à la manéra ad far-'g-la pagàr.
Millicent and Theresa
[mudéfica la surzéia]La Millicent e la sò śmèla Therese (Karen Black) i èṅ dū parsòni dal tut difarènti. La prima 'l è na dóna a 'l antìga ch'la gh'à scarésa dal sès, la secónda invéci l'è na purcùsa ad prim órdan, la śmadóna a tut andàr e la dróa la striarìa négra par far ligàr i óm a lē. Al mèd'g ad famìja, al dutōr Ramsey (George Gaynes), esénd ch'al n sènt piò la Therese al decìd 'd andàr a catàr-la a cà sua parchè 'l è in pinsēr. Quànd 'l è là però al la cata mòrta par tèra. Davśèṅ a lē a gh'è na bàmbula vudù cun na gùcia insfilsàda in dal cōr. Ma la dóna la gh'à na pirùca biónda in cô.
Amelia
[mudéfica la surzéia]L’Amelia (Karen Black) l'è na śōvna dóna ch'la gh'à na màdar ch'la gh'è sèmp'r adòs. Da pôc tèmp la s è fidansàda cun Arthur (Gregory Harrison) e l'à tòlt in afìt 'n apartamènt par sò cònt. P'r al sò cumpleàn al sò muróś al gh rigàla un putòć indiàṅ, al cumbatènt Zuni. In dla scatla a gh'è 'n bijitèṅ cun scrit insìma ad star atènti 'd a n tiràr minga via la cadnìna ch'al gh'à da 'd sōv'r a i galòṅ o sinò al spìrit catìṿ da casadōr dla statva al prév tōr al cuntròl dal putòć. Sénsa vlér però la dóna la 'l fà cascàr śò da la tavla e par lē a taca na nòt ad scarésa parchè Zuni al gh'à 'l diàv'l adòs e 'l è pîṅ 'd arlìa sèg.