Dr. Rage
|
C'l artìcul chè 'l è scrit in
Miranduléś |
 Dr. Rage
| ||
 Christopher Rydell in na figùra dal film | ||
| Dr. Arlìa 2005 | ||
|---|---|---|
| Regìa: Jeff Broadstreet | ||
| Scritōr: Jeff Broadstreet • Robert Benson R. Pauley Jr. • Rip Pauley • Stephen Polk | ||
| Atōr: Stephen Polk • Denice Duff • Karen Black Andrew Divoff • John Kassir • Christopher Rydell | ||
| Müsica: Jason Brandt | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Dr. Rage (Dr. Arlìa), cgnusû anc cuma The Straun House, 'l è 'n film ad scarésa americàṅ dal 2005 ad Jeff Broadstreet.
Sunt
Dòp na quistiunàda c'n un barbòṅ (Christopher Rydell), finìda a casòt, al dutōr Michael Dare (Stephen Polk) al finìs in di guàj cun la giustìsia parchè chi àtar piucióś i testimònian cónt'r ad lò. Par scanślàr la sò puśisiòṅ da 'l prucès, ch'la prév èsar 'd ustàcul a la sò caréra, su cunsìli dla sò avucàta Molly (Karen Black) al mèdag al decìd 'd andàr a lauràr da vuluntàri in dla fundasiòṅ dal dutōr Timothy Straun (Andrew Divoff), un sèntar in du a sa speriménta na cura cóntar 'l arlìa cun na dròga ch'i pasiènt i ciàman pisa p'r al culōr śal fòrt ch'la gh'à.
In dla strutùra i gh lavóran la dutōra Susan Verger (Denice Duff) e Moe Moebius (John Kassir) ch'al fà i fat. Mént'r anc Michael al próa la dròga su 'd lò, al fà a mènt ch'in dal piàṅ 'd sóta, in na cambra saràda a ciàṿ, a gh'è 'n pasiènt tgnû lugâ (Robert DiTillio), 'l ùltim dla lista esénd ch'al sgnōr Bators (Derek Sitter) 'l è mòrt masâ lè dèntar e Straun al gh'à tirâ via 'l fégat.
Michael al taca a 'vēr di scat 'd arlìa e da spés vója 'd gusàr-as la Susan, pò un dè al sa stufa e 'l decìd 'd andàr via. La Molly la gh diś che sò pàdar, al dutōr Dare (George Hoth), soquànt an prima al lauràva insém a Timothy.