Las Pàlmas ad Gran Canària
|
C'l artìcul chè 'l è scrit in
Miranduléś |
Las Pàlmas ad Gran Canària (Las Palmas de Gran Canaria) l'è na sità dla Spaggna ad tarśènt-utantàtri-mìla abitànt, la nòna più granda dal paéś, caplōg dgl'Ìśuli Canàri insém a Santa Cruz ad Tenerìfe. La s cata in dal nòrd-èst dl'ìśula ad Gran Canària e l'è stada fundàda in dal 1478.
La s divìd in sinc quartēr: Vegueta, Cono Sur y Tafira, Séntar, Puerto-Canteras, Sità Élta e Tamaraceite-San Lorenzo. La sò spiàgia più impurtànta la s ciàma Las Canteras e la sò sàbia la gh'à da piò ad sènt-mil' an.
In dla part a nòrd la gh'à na penìśula ciamàda “La Isleta” ch'l'è tacàda a la sità par via d'l istmo 'd Guanarteme.
Tgnénd adrē a 'n studi purtâ avànti da 'l climatòlug americàṅ Thomas Whitimore dl'università Syracuse, la sità l'è qvéla ch'la gh'à 'l clima più bèl dal mónd, esénd ch'la sò temperadùra mèdia la n và mai sóta i darsèt grâd e ad sōvar di vint-sinc grâd.
Al sò sìndig, da 'l 2015, 'l è Augusto Hidalgo dal PSOE.
Persunàǵ ligâ a Las Pàlmas ad Gran Canària
- Javier Bardem, atōr
- Carla Suárez Navarro, tenìsta
- Benito Pérez Galdós, scritōr
- Luis Doreste Blanco, velìsta