Go Go Tales

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Go Go Tales
Go go tales.png
L'Asia Argento in na figùra dal film
id.
2007
Regia: Abel Ferrara
Scritùr: Abel Ferrara
Atùr: Willem DafoeBob HoskinsAsia Argento
Matthew ModineBianca BaltiJustine Mattera
Riccardo ScamarcioBurt YoungLou Doillon
Sylvia MilesRoy DotriceStefania Rocca
Romina PowerPras MichelAndy Luotto
Müsica: Francis Kuipers
Lengua: Ingléś
Dürä dal film: 101 minüt
Nasiòṅ: Stat UnîItàglia


Go Go Tales (id.) 'l è 'n film dramàtic dal 2007 'd Abel Ferrara.

'L è stâ girâ c'n un budget stimâ ad siē migliòṅ e dū ad dòlar e 'l è stâ preśentâ fóra cuncōrs a 'l ssantéśum Fèstival ad Cannes.

Sunt

Ray Ruby (Willem Dafoe) 'l è 'l prupietàri 'd un night club ciamâ “Paradise” in dua a gh'è di spetàcui ad ragasōli ch'i s càvan śò balànd atàc a 'l pâl cun chi óm ch'in cal méntar i gh insfìlsan di bèsi in mèś a 'l mudàndi. Lè lōr i daśvìnan da tut al mónd: a gh'è la French (Lou Doillon), l'americàna Sugar (Justine Mattera), l’Adrian (Bianca Balti), la Monroe (Asia Argento), na purcùsa ch'la tira dal madóni a tut andàr e che durànt i sò nùmar la baśa in bóca 'l sò caṅ, la Debby (Stefania Rocca), n'atra rója ch'la và a lèt cun Stanley (Andy Luotto) par far-as finansiàr un film, e atr' incóra.

Lè dèntar i gh dànan na maṅ al Baròṅ (Bob Hoskins) e Luigi (Frankie Cee) méntar Sandman (Pras Michel) al cuśìna gl'hot dog e Junior (Johnny Skreli) al sarvìs a 'l bar ma i afâr i n vànan minga tant bèṅ. Al ragàsi i n ciàpan paga da tri méś e anc la padròna dal palàs, la Lilian (Sylvia Miles), la spéta 'l afìt da quàtar méś. Quél ch'l è pèś 'l è che Johnie (Matthew Modine), al fradèl paruchér ad Ray, al s è rót ad tiràr fóra lò tut chi bèsi par pagàr i dèbit e adès al gh vōl dar un taj. Dònca a gh'è sōl na manéra par tiràr avànti: sprar ad vìnsar a 'l lòt puntànd un muć ad sòld. Quànd a la sira l'anunsadōra (Romina Power) la lèś a la televiśiòṅ i nùmar vinsènt, Ray e 'l sò aministradōr Jay (Roy Dotrice) i pōlan festegiàr parchè la furtùna 'sta vòlta l'è stada da la banda lōr ma purtròp al bijét al n s cata piò.

In qvéla ch'la prév èsar l'ultma sira p'r al lucàl, al dutōr Steven (Riccardo Scamarcio), fra i spetadōr, al véd balàr sò mujér in sal palc e al pèrd la tèsta.

Culegamènt estéran