Bob Hoskins

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Hoskins tòlt śò in dal 2007

Robert William Hoskins, Jr., cgnusû méj cuma Bob Hoskins (Bury St. Edmunds, 26 ad Farvàr dal 1942 - Bury, 29 'd Avrìl dal 2014) 'l è stâ 'n atōr e regìsta britànic.

Biugrafìa

Hoskins al nas in Inghiltèra in dal Suffolk. Sò pàd'r al fava 'l camiunìsta e 'l cuntàbil, sò màdar la cōga e la mistra 'd aśîł. Da śōvan al s è inśgnâ a far di lavurét cuma 'l camiunìsta, 'l pulidōr ad vēdar, 'l asistènt idràulic, al pumpēr, al fachèṅ e 'l magnadōr ad fōg in un cîrc.

A vint-sinc an al ciàpa na part in un lavōr a teàtar pò al taca a lauràr in dal mónd dal cìnema. Al sò prim rōl impurtànt 'l è dal 1974 in dal film Il pornografo ma 'l sucès par lò a riva cun Il giorno del venerdì santo dal 1980. P'r Alan Parker al lavóra in Pink Floyd The Wall (1982) méntar dū an dòp Francis Ford Coppola 'l al sarnìs par Cotton Club.

In dal 1986 al gira Mona Lisa par Neil Jordan e pò in dal 1988 Chi ha incastrato Roger Rabbit par Robert Zemeckis. In dal 1991 'l è in dal cast dal thriller Prova schiacciante e dla cumèdia Hook - Capitan Uncino ad Steven Spielberg. In dal 1999 al lavóra p'r Atom Egoyan in dal sò Il viaggio di Felicia.

In di ùltim an dla sò caréra 'l è fra i prutagunìsta dal film 'd Abel Ferrara Go Go Tales e pò in dla cumèdia We Want Sex. Prima 'd murìr al gira Biancaneve e il cacciatore.

Filmugrafìa

Culegamènt estéran