Occhi di serpente

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dangerous Game
cgnusû anc cuma Snake Eyes
Occhi di serpente
Occhi di serpente.png
La Madonna in na figùra dal film
Òć ad sarpènt
1993
Regia: Abel Ferrara
Scritùr: Nicholas St. John
Atùr: Harvey KeitelMadonnaJames Russo
Nancy FerraraReilly MurphyVictor Argo
Müsica: Joe Delia
Lengua: Ingléś
Dürä dal film: 106 minüt
Nasiòṅ: Stat UnîItàglia


«
Mitî un revolver in sal pōls dla tèsta 'd 'n atōr... al rìsćia.»
(Tagline dal film)


Occhi di serpente (Òć ad sarpènt) 'l è 'n film dramàtic dal 1993 'd Abel Ferrara.

In dal śōg di dâd Snake Eyes, tìtul uriginàl dal film pò cambiâ p'r a n avér minga prubléma cun na série pòran c'n al stés nóm, 'l è quànd i vènan fóra dū òṅ.

Sunt

Eddie Israel (Harvey Keitel) 'l è 'n regìsta ch'l è drē a giràr un film ch'al cònta i fat dna còpia burghéśa ad New York ch'la s dà a 'l visi: dròga, alcool, sès a róta 'd còl e còran sénsa vargógna. I prutagunìsta dla pelìcula i èṅ Francis Burns (James Russo), un sò amìg da sèmpar, e la Sarah Jennings (Madonna), na star dla televiśiòṅ tòlta sōl parchè i la vōlan i prudutōr ch'i gh mét'n i bèsi. Francis al n è mia d'l idéa ad lauràr cun chi lē ma pò al gh'à da cédar. Quànd la Sarah in dla finsiòṅ la s tira indrē da cla vita lè, sò marè al n pōl minga cumpatìr-as un quèl dal gènar parchè lò al n è briśa bòṅ ad far-al e al taca a dvintàr viulènt sèg.

Par rénd'r al séni più véra, Eddie al s mét in mèś a i dū atōr, al i ufénd e al gh'i prumét. Piàn piàṅ al regìsta al taca a dvintàr cumpàgn a 'l persunàǵ ch'l à invintâ parchè lò 'l è acsè in dla vita ad tut i dè anc s'al gh'à na mujér, Madlyn (Nancy Ferrara), e 'n putèṅ, Tommy (Reilly Murphy), e dònca al fà da tut par diféndar la sò reputasiòṅ e par lugàr incòsa, anc al fat 'd èsar dvintâ in cal méntar 'l amànt dla Sarah. Al sò matrimòni al và acsè in criśi e i tri i n capìsan piò in du a taca la vita véra da la finsiòṅ dal film. Un dè Francis, imbariàg e drugâ pódag, al gh'à da giràr na séna in dua al punta na pistòla a la tèsta dla Sarah.

Culegamènt estéran