Il cattivo tenente
|
C'l artìcul chè 'l è scrit in
Miranduléś |
 Bad Lieutenant
| ||
| Il cattivo tenente | ||
 'N Harvey Keitel imbariàg in na figùra dal film | ||
| Al tenènt catìṿ 1992 | ||
|---|---|---|
| Regìa: Abel Ferrara | ||
| Scritōr: Abel Ferrara • Zoë Lund | ||
| Atōr: Harvey Keitel • Victor Argo • Paul Calderon Leonard L. Thomas • Victoria Bastel • Dana Dee Frankie Thorn • Peggy Gormley • Stella Keitel Vincent Laresca • Robin Burrows • Zoë Lund | ||
| Müsica: Joe Delia | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
Il cattivo tenente (Al tenènt catìṿ) 'l è 'n film dramàtic dal 1992 'd Abel Ferrara, scrit da lò insém a la mudèla e atōra Zoë Lund. Custâ un migliòṅ ad dòlar, a i butghèṅ al i à ardupiâ.
La pelìcula l'è stada preśentàda a 'l 45śum Fèstival ad Cannes, in dla sesiòṅ Un Certain Regard.
Sunt
Un tenènt dla pulisìa amricàna (Harvey Keitel), curót e c'n al visi dal śōg, al viṿ sōl par scumétar, drugàr-'s e bévar. Quànd na sōra śōvna (Frankie Thorn) la vîṅ viulentàda in na céśa da dū magnasùchi, lò al ciàpa al caś in maṅ ma pò al gh armàṅ quànd al sènt che la dóna la i à pardunâ.
Sōl in séguit, quànd in céśa pinsànd a tuta la sò vita al fà a mènt a cuma la sia a l'arvèrsa e sénsa murâl, al capìs al significàt dal pardòṅ dla sōra anc parchè al gh'à na viśiòṅ ad Geśù (Paul Hipp) ch'al gh vîṅ datéś. Al pulisiòt al taca a cùr'r adrē a i dū laśaròṅ ma invéci ad cupàr-i cuma 'l arév sèmpar fat par tgnir a drē a la sò sē 'd vindéta, al i lasa andàr, dand séguit a 'l vlēr dla sōra. Cal gèst lè, 'l ùnic bòṅ dla sò vita, 'l è anc 'l ùltim. Saénd ch'al gh'à cóntar di creditōr ch'i gh'aṅ 'd avēr da lò di bèsi par na scumésa andàda mâł, al tenènt al s mét a sēdar in sla sò màchina spetànd ch'i végnan a cupàr-al. E 'l è qvél ch'a sucéd dabòṅ.