China Girl

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg China Girl
China Girl
China Girl.png
La Sari Chang e Panebianco in na figùra dal film
Ragàsa cinéśa
1987
Regia: Abel Ferrara
Scritùr: Nicholas St. John
Atùr: James RussoRichard Panebianco
Sari ChangDavid CarusoJudith Malina
Russell WongJames HongPaul Hipp
Robert MianoJoey ChinRandy Sabusawa
Müsica: Joe Delia
Lengua: Ingléś
Dürä dal film: 89 minüt
Nasiòṅ: Stat Unî


«
Amōr e mòrt fra Chinatown e Little Italy.»
(Tagline dal film)


China Girl (Ragàsa cinéśa) 'l è 'n film dramàtic dal 1987 'd Abel Ferrara scrit par Nicholas St. John tulénd spunt da 'l rumànś Romeo e Giulietta ad William Shakespeare.

La culòna sunóra dal film, ch'l è stâ girâ a New York, la gh'à dèntar di pès di Run-D.M.C. (Walk This Way, cover di Aerosmith), ad Marc Anthony (Blue With Me), ad Giuseppe Verdi (La donna è mobile da l'òpra Rigulét) e 'd Giacomo Puccini (Nessun dorma da l'òpra Turandot).

Sunt

In di an Utànta a New York gl'abitànt cinéś dal quartēr ad Chinatown i s cumbàtan cun gl'itagliàṅ ad Little Italy par far di afâr in dla sità dal Gran Póm. Dòp ch'i prim i aṅ tacâ a purtàr-ag via negòsi, risturànt e albêrg, i guido i gh rispóndan miténd al maṅ su 'l tràfic di incóntar trucâ ad pugilâ, su 'l marcâ dgl'armi e dand di casòt in dal stradi muśnènti.

'L abruséś 'd urìgini Tony (Richard Panebianco) al cōś al pizzi par mistēr e 'l è difarènt da i sò amìg parchè lò 'l è 'n śuvnòt a mōd. Na nòt in discutéca, in dal quartēr ad cunfîṅ ad Canal Street, al ragàs al cgnós na ragàsa cinéśa surèla 'd un malavitóś rasìsta ciamâ Gung Tu (James Hong), la Tyan-Hwa (Sari Chang), e al s inamóra 'd lē.

Ma 'l amōr fra i dū 'l è impusìbil da purtàr avànti parchè al sò famìji i èṅ cuntràri, anc al fradèl ad Tony, Alby (James Russo), al gh dà adòs. Tony e la Tyan i péns'n acsè ad scapàr via.

Culegamènt estéran