Forza vitale

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Tvfilm.png Force of Life
Forza vitale
Spazio 1999 - Forza vitale.png
Na Lea Dregorn ślada viva in na figùra dal telefìlm
Fòrsa vitàla
1976
Gènar: Fantasiénsa
Stagiòṅ: 1
Epiśòdi: 8
Regìa: David Tomblin
Scritōr: Johnny Byrne
Atōr: Martin LandauBarbara BainNick Tate
Ian McShanePrentis HancockZienia Merton
Gay HamiltonBarry MorseClifton Jones
Mùśica: Barry Gray • Cecil Lauter
Duràda: 52 minùt
Léngua: Ingléś
Nasiòṅ: Régn UnîItàglia


Forza vitale (Fòrsa vitàla) 'l è 'l utàṿ epiśòdi dla prima série dal telefilm Spazio 1999 (Spasi 1999) dirèt par David Tomblin e girâ a la manéra di thriller e di film ad scarésa. 'L è stâ prudót par la britànica ITC e par l'itagliàna RAI.

La senegiadùra 'l è ad Johnny Byrne. Al telefilm 'l è stâ pò girâ da 'l Maǵ dal 1974 a 'l Luj dal 1974. 'L è stâ traśmìs par la prima vòlta in televiśiòṅ 'l 11 ad Setémbar dal 1975.

In Germâgna soquànti séni i èṅ stadi censuràdi parchè tròp viulénti mént'r in Danimàrca dimóndi genitōr i aṅ prutestâ parchè 'l epiśòdi 'l è stâ mandâ in ónda 'd sàbat sira quànd dimóndi baghét i éran davànti a 'l vìddeo. La televiśiòṅ danéśa l'à decìś acsè ad suspénd'r al prugràma ad "Moonbase Alpha" dòp cla puntàda chè.

Trama

Na fòrsa aglièna misterióśa, na bòcia ad luś ad culōr blù lètric, la riva su Alpha e la tōś pusès dal tècnig Anton Zoref (Ian McShane) ch'al lavóra in dal repàrt di generadōr atòmic e ch'l'è spuśâ cun l’Eva (Gay Hamilton). Da cal mumènt lè 'l óm al gh'à biśógn ad ciuciàr via dl'energìa da tut i pòst ch'al pōl o sinò al n è mia bòṅ ad scampàr parchè al gh'à dimóndi fréd ad dèntar. Quànd al gira p'r i andavèṅ, al luś i sa śmòrsan da par lōr a 'l sò pasàǵ.

Durànt i sò atàc par la fam 'd energìa, al fà ślar viṿ al culéga Mark Dominix (John Hamill) e pò anc l'infarméra Hilary Preston (Lea Dregorn) ch'i mōran subìt. Mént'r al prufesōr Bergman (Barry Morse) al próa a catàr na spiegasiòṅ, Anton al vèṅ farmâ in dal solarium ma pò al gh la cava a scapàr via p'r andàr in diresiòṅ dl'aréa di generadōr.

A prév anc èsar la fine 'd Alpha dònca Carter (Nick Tate) 'l è custrét a sparàr-ag c'n al làśer a 'l màsim par cupàr-al ma lò, anc se bruśâ dapartùt, al s tira sù listés, ansi l'energìa la 'l à anc cargâ da piò. A n psénd far più gnint Koenig (Martin Landau) e Bergman i gh daṅ a muć ma pò, par furtùna, dòp avér cunsumâ 'n generadōr sōl, la luś blù la s in và da par lē lasànd par tèra al còrp mòrt dal tècnig.

Bergman al n sà minga cuntàr cuś 'l è sucès ma al pénsa che cla luś lè la pòsa èsar na stéla ch'la gh'à incóra da śvilupàr-as.

Culegamènt estéran