Separazione
|
C'l artìcul chè 'l è scrit in
Miranduléś |
 Breakaway
| ||
| Separazione | ||
 'L espluśiòṅ nucleàra ch'la fà partìr la Luna cuma na scaja | ||
| Separasiòṅ 1975 | ||
|---|---|---|
| Gènar: Fantasiénsa | ||
| Stagiòṅ: 1 | ||
| Epiśòdi: 1 | ||
| Regìa: Lee H. Katzin | ||
| Scritōr: George Bellak | ||
| Atōr: Martin Landau • Barbara Bain • Barry Morse Roy Dotrice • Prentis Hancock • Zienia Merton Anton Phillips • Nick Tate • Lon Satton • Philip Madoc | ||
| Mùśica: Barry Gray | ||
| Duràda: 52 minùt | ||
| Léngua: Ingléś | ||
| Nasiòṅ: Régn Unî • Itàglia | ||
Separazione (Separasiòṅ) 'l è 'l prim epiśòdi dla prima série dal telefilm Spazio 1999 (Spasi 1999) dirèt par Lee H. Katzin. 'L è stâ prudót par la britànica ITC e par l'itagliàna RAI.
La senegiadùra 'l è ad George Bellak cun la reviśiòṅ in séguit ad Christopher Penfold in dal Nuvémbar dal 1973. Al telefilm 'l è stâ pò girâ da 'l Dicémbar dal 1973 a 'l Śnar dal 1974. 'L è stâ traśmìs par la prima vòlta in televiśiòṅ al 4 ad Setémbar dal 1975.
Trama
'L è al 9 ad Setémbar dal 1999. In sla baś lunàra Alpha i s daṅ da far par preparàr na misiòṅ espluratìva vèrs al pianéda Meta dascuvèrt da pôc e ch'al prév avér-ag dal fórmi 'd vita inteligìnta. Al capitàṅ John Koenig (Martin Landau) 'l tòlt da pôc al cmand dla baś a 'l pòst dal rus Gorskij ma al gh'à da far i cònt c'n al respunsàbil pulìtic dal prugèt Gerald Simmonds (Roy Dotrice), un tisi dimóndi cìnic ch'al gh stà sèmp'r adòs.
A 'n sèrt punt un brut mâł al taca a culpìr gl'astrunàut in adestramènt. Al prufesōr Victor Bergman (Barry Morse) e la dutōra Helen Russell (Barbara Bain) i èṅ sicûr ch'al mutìṿ di mâi al sia 'l fat ch'i sìan dal pèrdidi ad radiasiòṅ nucleàri in dla fàcia lugàda dla Luna, in dua i teréstar i aṅ saplî al scòri. Simmonds al n gh vōl mia dar-'g a mènt parchè al vōl ch'al prugèt al vaga avànti listés.
Tut 'd un strat, quàtar dè dòp, a sćiòpa 'l depòśit ad scòri nucleàri ch'i daṅ vita a na reasiòṅ a cadéna ch'la fà spustàr la Luna da la sò òrbita. 'L è 'l trédas dal méś e la Luna la partìs par sò cònt p'r un viàś sénsa fiṅ. In cal mént'r al cmandànt pilòta dgl'astrunâṿ Àquili, 'l austragliàṅ Alan Carter (Nick Tate), al decìd ad turnàr indrē invéci ad rivàr in sla Tèra e salvàr-as in manéra ad spartìr-'s al destîṅ c'n i sò cumpàgn.
In sla Tèra invéci i sucédan di diśàstar mént'r i 331 abitànt dla baś i gh'aṅ da preparàr-as a lutàr par scampàr da par lōr in dal spasi.