Vindrus

Da Wikipedia.

C'l artìcul chè 'l è scrit in Miranduléś Emiliàn

A Matter of Balance
Vindrus

Stuart Wilson in na figùra dal telefìlm
id.
1976
Gènar: Fantasiénsa
Stagiòṅ: 2
Epiśòdi: 15
Regìa: Charles Crichton
Scritōr: Pip Baker • Jane Baker
Atōr: Martin LandauCatherine Schell
Stuart WilsonTony AnholtLynne Frederick
John HugBarbara BainBrian Osborne
Mùśica: Derek Wadsworth
Duràda: 52 minùt
Léngua: Ingléś
Nasiòṅ: Régn UnîStat Unî


Vindrus (id.) 'l è 'l quindicéś'm epiśòdi dla secónda série dal telefilm Spazio 1999 (Spasi 1999) dirèt par Charles Crichton e ambintâ 1702 dè dòp al dastàc da l'òrbita dla Tèra. 'L è stâ prudót par la britànica ITC cun 'l ajùt ad Fred Freiberger e di sò bèsi americàṅ.

La senegiadùra 'l è ad Pip Baker e dla Jane Baker. Al telefilm 'l è stâ pò girâ in d'l Agóst dal 1976. 'L è stâ traśmìs par la prima vòlta in televiśiòṅ al 9 ad Dicémbar dal 1976.

Trama

La Shermeen Williams (Lynne Frederick) la gh'à 'n còmpit in sla baś lunàra Alpha: tgnir adrē a 'l piànti e a i fiōr. La gh'à anc na còta par Tony Verdeschi (Tony Anholt) ma chi lò al n gh dà minga a mènt.

Un dè, méntar la Luna la s davśìna a 'n pianéda cgnusû briśa, Sunim, la figùra 'd un tisi misterióś ciamâ Vindrus (Stuart Wilson), vistî cun di stivài, dal mudàndi e 'n tabàr śal, la s para davànti a la Shermeen e la l'incànta faghénd-la vgnir da la sò banda. 'L óm al fà in manéra ch'la gh vaga lē in dla squàdra 'd esplurasiòṅ cuma butàniga e pò al gh fà tōr un silìndar strâṅ da purtàr in sla baś. Cal śavàj lè al n è àtar ch'un generadōr nucleàr ch'al sarvìs a Vindrus e a la sò gint par scambiàr ad pòst cun qvéi 'd Alpha parchè lōr i èṅ fat 'd anti-matèria e i èṅ destinâ a na minga-vita par sèmpar. Al fat 'l è che la natùra la gh'à da mantgnìr 'l equilìbri e dònca par 'n èsar ch'al pasa da 'l mónd 'd anti-matèria a qvél ad matèria a gh in vōl òṅ che par fòrsa al faga 'l gir cuntràri.

La Shermeen la s fà scarusàr par Bill Fraser (John Hug) in sal pianéda cun l'Àquila Òṅ cun sèg 'n àtar generadōr. Vindrus al l'ingàna faghénd-la 'ndàr dèntar a 'n trasfuśōr, un machinàri ch'a gh parmét ad dvintàr carna tulénd al sò pòst. I rìvan lè anc Koenig (Martin Landau), Tony e la Maya (Catherine Schell) cun na secónda Àquila par pascàr-la. Vindrus al vōl druàr i còrp lōr par parmét'r al pasàǵ a àtar tri di suo. Ma la Maya la 'l férga trasfurmànd-'s in dla Shermeen faghénd-ag crédar ch'al prucès al n è minga finî bèṅ dal tut e dònca a gh'è biśógn che lò al vaga incóra in dal trasfuśōr par finìr l'òpra.

Culegamènt estéran