David Bowie

Da Wikipedia.
C'l artìcul chè 'l è scrit in Miranduléś Emiliàn
Al „duca biànc“ tòlt śò in dal 1983


«
We could steal time, just for one day, we can be Heroes, for ever and ever, what d'you say? I, I wish you could swim like the dolphins, like dolphins can swim, though nothing, nothing will keep us together, we can beat them, for ever and ever.»
(EN)(Heroes, 1977)
«
A prévan fargàr 'n pò 'd tèmp, p'r un dè e pò basta, a psém èsar di Eròe, par sèmpar, cuśa dì't? Mè, mè a vrév ch'at saìs nudàr cuma i delfîṅ, cuma i nōd'n i delfîṅ, sibèṅ gnint, gnint a s lasarà unî, a psém bat'r-i, incóra e par sèmpar.»
(MUD)


David Robert Jones, cgnusû méj c'n al nóm 'd art ad David Bowie (Lóndra, 8 ad Śnar dal 1947 – New York, 10 ad Śnar 2016), l'è stâ 'n cantànt, sunadōr, atōr e prudutōr discugràfic ingléś.

Da la mità di an Ssanta 'l à fat vgnir fóra vint-sinc àlbum in studi, 'l ùltim Blackstar dū dè prima 'd murìr dal càncar ch'al gh'iva da daśdòt méś, e dū c'n al grup di Tin Machine. 'L à dâ vita a soquànt persunàǵ ch'i ér'n i sò alter ego cuma Ziggy Stardust, Halloween Jack, Nathan Adler e The Thin White Duke, cgnusû in Itàglia cuma 'l „Duca Biànc“. In dal 1996 'l à catâ pòst in dla Rock and Roll Hall of Fame. Al gh'iva dū fiōi: Duncan Zowie Haywood e l’Alexandria Zahra.

Al sò canti i tgnìv'n adrē a dimóndi gènar muśicài difarènt cuma 'l folk acùstic, la letrònica, al glam rock, al soul e 'l krautrock. In dla sò caréra a sa stima ch'l àppia vindû sènt-quarànta migliòṅ ad disc in tut al mónd. Fra i sò pès più arcgnusû a 'rcurdém Life on Mars?, Space Oddity, China Girl, Five Years, Starman, Ziggy Stardust (sunàda in séguit anc da i Bauhaus), Rock ‘n’ Roll Suicide, Changes, Blue Jean, Let’s Dance, Rebel Rebel, The Man Who Sold The World (sunàda da i Nirvana in dal sò Unplugged in New York), Heroes, Young Americans (i The Cure i gh'aṅ fat na cover) e Modern Love.

David Bowie 'l à girâ anc dimóndi film tacànd da L'uomo che cadde sulla Terra dal 1976, pasànd pò par Gigolò ad David Hemmings (1978), Christiane F. - Noi, i ragazzi dello zoo di Berlino (1981), Miriam si sveglia a mezzanotte ad Tony Scott (1983), Furyo (1983), Absolute Beginners (1986), Labyrinth - Dove tutto è possibile (1986), L'ultima tentazione di Cristo (1988), Fuoco cammina con me (1992) e Basquiat (1996) in du al fava Andy Warhol.

Discugrafìa

Àlbum in Studi

  • 1967 - David Bowie
  • 1969 - Space Oddity
  • 1970 - The Man Who Sold the World
  • 1971 - Hunky Dory
  • 1972 - The Rise And Fall Of Ziggy Stardust And The Spiders From Mars
  • 1973 - Aladdin Sane
  • 1973 - Pin Ups
  • 1974 - Diamond Dogs
  • 1975 - Young Americans
  • 1976 - Station to Station
  • 1977 - Low
  • 1977 - Heroes
  • 1979 - Lodger
  • 1980 - Scary Monsters (and Super Creeps)
  • 1983 - Let's Dance
  • 1984 - Tonight
  • 1986 - Labyrinth
  • 1987 - Never Let Me Down
  • 1993 - Black Tie White Noise
  • 1993 - The Buddha of Suburbia
  • 1995 - 1.Outside
  • 1997 - Earthling
  • 1999 - 'hours...'
  • 2002 - Heathen
  • 2003 - Reality
  • 2013 - The Next Day
  • 2016 - Blackstar

C'n i Tin Machine

  • 1989 - Tin Machine
  • 1991 - Tin Machine II

Filmugrafìa

Culegamènt estéran