Christiane F. - Noi, i ragazzi dello zoo di Berlino

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Christiane F. -
Wir Kinder vom Bahnhof Zoo
Christiane F. -
Noi, i ragazzi dello zoo di Berlino
Christiane F.png
La Natja Brunckhorst in na figùra dal film
Christiane F. -
Nuàtar, i ragàs dal zoo ad Berlîṅ

1981
Regia: Uli Edel
Scritùr: Kai Hermann • Horst Rieck • Herman Weigel
Atùr: Natja BrunckhorstThomas Haustein
Christiane ReicheltJens KuphalRainer Woelk
Jan Georg EfflerDavid BowieEberhard Auriga
Müsica: David Bowie
Lengua: Tedésc
Dürä dal film: 124 minüt
Nasiòṅ: Germâgna


«
A dód'ś an l'éra la Pólvra 'd Àngil. A tréd'ś an l'éra l'eruìna. Pò l'è andàda a bàtar p'r al stradi.»
(Tagline dal film)


Christiane F. - Noi, i ragazzi dello zoo di Berlino (Christiane F. - Nuàtar, i ragàs dal zoo ad Berlîṅ) 'l è 'n film biugràfic tedésc dal 1981 'd Uli Edel trat da 'l lìb'r umònim ad Kai Hermann e ad Horst Rieck, dū giurnalìsta ch'i aṅ intervistâ in parśòṅ, cuntànd la sò vita, la Christiane Vera Felscherinow, na drugàda pódga ch'la gh'iva 'd andàr a prucès.

Sunt

La Christiane F. (Natja Brunckhorst) la viṿ in dal quartēr durmitòri ad Gropiusstadt a Berlîṅ cun sò màdar, ch'la s è divìśa da sò marè, e sò surèla. Méntar chi lē la decìd 'd andàr a star cun sò pàdar, la Christiane la taca a 'ndàr ad sira cun sèg la sò amìga Kessi (Daniela Jaeger) in dla discutéca Sound, famóśa parchè lè a gh'è anc un gir ad dròga e ad prustitusiòṅ. La ragasōla la gh cgnós Detlef (Thomas Haustein) ch'al dvènta 'l sò muróś.

Cun 'l amànt nóṿ ad sò màd'r in cà, la Christiane la s liga sèmpar da piò a la Kessi, a Detelf e a i sò amìg Axel (Jens Kuphal), Bernd (Jan Georg Effler) e "Pui" (Rainer Woelk). Insém i tàc'n a pruàr di àcid par pò pasàr a la dròga a 'n cuncèrt ad David Bowie (David Bowie). A 'l pòst dla Kessi, ch'la s è ciapàda na patnàda da sò màdar (Ellen Esser) ch'la s l'arcurdarà in fiṅ ch'la scampa, adès la Christiane la và in gir cun atri dū ragasōli ch'i èṅ dvintàdi sò amìgi dal cōr, la Stella (Kerstin Richter) e la Babette D. (Christiane Reichelt), dita Babsi, drugàdi pódghi anc lōr.

La Christiane la taca sèmpar da piò a tōr d'l eruìna insém a Detlef. Quànd i bèsi i finìsan, par śbuśìr-'s incóra, l'è custréta a prustituìr-as e a fà cumpàgn anc al sò murós cun di óm davśèṅ a la stasiòṅ ad Berlîṅ. Un dè, turnànd a cà, i càtan Axel mòrt dastéś par n'overdôś.

Culegamènt estéran