Gigolò (film)
|
C'l artìcul chè 'l è scrit in
Miranduléś |
 Schöner Gigolo, armer Gigolo | ||
| Gigolò | ||
 David Bowie e la Sydne Rome in na figùra dal film | ||
| id. 1978 | ||
|---|---|---|
| Regìa: David Hemmings | ||
| Scritōr: Julius Brammer • Irving Caesar Ennio De Concini • Joshua Sinclair | ||
| Atōr: David Bowie • Sydne Rome • Marlene Dietrich Kim Novak • David Hemmings • Maria Schell | ||
| Müsica: Günther Fischer | ||
| Léngua: Ingléś • Tedésc | ||
| Dürä dal film: 147 minüt | ||
| Nasiōṅ: Germâgna | ||
Gigolò (id.), cgnusû anc cuma Just a Gigolò, 'l è 'n film dramàtic tedésc dal 1978 girâ par David Hemmings. A 'l prutagunìsta David Bowie a n gh'è mai piaśùda tròp cla pelìcula chè tant ch'in séguit 'l à dichiarâ: «Just A Gigolo par mè 'l è i trénta-dū film ad Presley tut mis insém».
'L è stâ girâ a Berlîṅ e a Parì p'r al séni in du a cumparìva la Marlene Dietrich, chè a 'l sò ùltim film.
Sunt
[mudéfica la surzéia]Durànt la prima guèra mundiàla al tenènt prusiàṅ Paul von Przygodsky (David Bowie), sénsa gnanc avér mai sparâ 'n cōlp, 'l armàgn frî da l'espluśiòṅ dna bómba méntar 'l è drē a cumbàt'r in sal frònt francéś. Dòp ès'r-as curâ a 'l uśdàł e dòp 'l armistìsi e 'l tratâ 'd Versailles, in dal 1921 al tórna a Berlîṅ ma 'l ròbi i èṅ cambiàdi dimóndi. I partî 'd dèstra i èṅ drē a crés'r in Germâgna, acsè cuma qvéi dla sinìstra radicàla, e la miśèria la s fà strada dapartùt. Sò màdar (Maria Schell) la s è misa a lauràr in un bagn turc, p'r i dèbit i gh'aṅ purtâ via incòsa, méntar sò pàdar Gustav (Rudolf Schündler) 'l è paraliśâ e 'l fà fadìga a dascórar. Paul al cgnós la cantànta Cilly (Sydne Rome) e al s gh mét insém ma pò chi lē, guardànd a Hollywood, la gh prila 'l spali e la spóśa 'n prìnsip tedésc.
Paul al próa a pascàr un lavōr par scampàr ma a n s cata gnint. Dimóndi vilî 'l è custrét a dvintàr òṅ di gigolò a 'l servìsi dla baròna von Semering (Marlene Dietrich).