Barbara Bouchet
|
C'l artìcul chè 'l è scrit in
Miranduléś |
La Bärbel Gutscher, cgnusùda méj cuma Barbara Bouchet (Reichenberg, 15 'd Agóst dal 1944), l'è n'atōra tedésca naturaliśàda itagliàna famóśa p'r al sò cumèdi spurcaciòni a l'itagliàna di an Stanta e anc p'r al pelìculi śali ch'l à girâ par di regìsta quài Lucio Fulci e Emilio Miraglia. In séguit, da i an Utànta in avànti, l'à anc fat la dóna 'd afâr, la cantànta (cun tri sìngui publicâ in di an Utànta) e la cundutōra televiśìva.
L'è stada spuśàda cun 'l imprendidōr Luigi Borghese e la gh'à abû sèg dū fiōi, Alessandro e Massimiliano.
Biugrafìa
La Barbara Bouchet la nas in dal 1944 a Liberec, adès in dla Repùblica céca ma in alóra sità tedésca c'n al nóm ad Reichenberg. Finìda la secónda guèra mundiàla lē e la sò famìja i vàn'n a star in di Stat Unî e 'l è là ch'la Barbara la taca a giràr i sò prim film cuma Scusa, me lo presti tuo marito? (Scuś'um bèṅ, m al prèst-at tò marè?, 1964) e A braccia aperte (A bras avèrt, 1965). In dal 1967 l'è in dal cast dal film James Bond 007 - Casino Royale c'n al rōl dla Miss Moneypenny. A la fiṅ di an Ssanta la và a star in Itàglia e la dvènta famóśa in pôc tèmp girànd dal pelìculi śali, cuma L'uomo dagli occhi di ghiaccio (’L óm da i òć ad giàs) o La tarantola dal ventre nero (La taràntla da 'l vèntar négar), o dal cumèdi malnéti cuma Donne sopra, femmine sotto (Dóni ad sōvar, fémni ad sóta), Il prete sposato (Al prevòstar spuśâ) o Le calde notti di Don Giovanni (Al nòt caldi ad Don Śvan), tut film dal 1971. In dal 1972 la tōś part a ùndas pelìculi cuma Racconti proibiti... di niente vestiti (Racònt pruibî... ad gnint vistî), Milano calibro 9 (Milàṅ càlibar nóṿ) ad Fernando Di Leo, Valeria dentro e fuori (Valèria dènt'r e fóra), La dama rossa uccide sette volte (La dama rósa la cópa sèt vòlti) 'd Emilio Miraglia e a 'l cult Non si sevizia un paperino (A n s pōl minga far dal mâł a 'n pavarèṅ) ad Lucio Fulci cun l'Irene Papas, Tomas Milian e la Florinda Bolkan.
In dal 1975 la gira òṅ di sò film più impurtànt, L'anatra all'arancia (La nadra c'n i purtugài) ad Luciano Salce. In dal 1976 la tórna a 'l thriller c'n al film Con la rabbia agli occhi 'd Antonio Margheriti faghénd in cal mèntar anc dū film cun Sergio Martino, Spogliamoci così, senza pudor (Cavém-as śò acsè, sénsa vargóggna) e 40 gradi all'ombra del lenzuolo (Quarànta grâd a l'òra dal linsōł) insém a l'Edwige Fenech. La tórna a lauràr cun chi dū lè anc in dal 1980 in La moglie in vacanza... l'amante in città (La mujér in vacànsa... l'amànta in sità). Dòp Diamond Connection ad Sergio Bergonzelli dal 1982 la gh dà 'n taj c'n al cìnema e la taca a lauràr in televiśiòṅ in dal prugràma Beauty Center Show. La tórna a recitàr dòp vint an cun Mari del sud (Mâr dal sud) e c'n al blockbuster Gangs of New York ad Martin Scorsese dal 2002.
Filmugrafìa
- 1964 • I guai di papà
- 1964 • La signora e i suoi mariti
- 1964 • I due seduttori
- 1964 • Scusa, me lo presti tuo marito?
- 1964 • Donne, v'insegno come si seduce un uomo
- 1965 • A braccia aperte
- 1965 • Prima vittoria
- 1966 • Agente H.A.R.M.
- 1967 • James Bond 007 - Casino Royale
- 1967 • La mano che uccide
- 1969 • Surabaya Conspiracy
- 1969 • Sweet Charity - Una ragazza che voleva essere amata
- 1969 • Colpo rovente
- 1970 • Cerca di capirmi
- 1970 • L'asino d'oro: processo per fatti strani contro Lucius Apuleius cittadino romano
- 1970 • Il debito coniugale
- 1971 • Non commettere atti impuri
- 1971 • Donne sopra, femmine sotto
- 1971 • Il prete sposato
- 1971 • L'uomo dagli occhi di ghiaccio
- 1971 • La tarantola dal ventre nero
- 1971 • Le calde notti di Don Giovanni
- 1972 • Forza "G"
- 1972 • Racconti proibiti... di niente vestiti
- 1972 • Finalmente... le mille e una notte
- 1972 • La calandria
- 1972 • Una cavalla tutta nuda
- 1972 • Milano calibro 9
- 1972 • Alla ricerca del piacere
- 1972 • Valeria dentro e fuori
- 1972 • Casa d'appuntamento
- 1972 • La dama rossa uccide sette volte
- 1972 • Non si sevizia un paperino
- 1973 • Ancora una volta prima di lasciarci
- 1973 • Il tuo piacere è il mio
- 1973 • Un tipo con una faccia strana ti cerca per ucciderti
- 1974 • La badessa di Castro
- 1974 • La svergognata
- 1974 • Quelli che contano
- 1975 • L'anatra all'arancia
- 1975 • L'amica di mia madre
- 1975 • Amore vuol dir gelosia
- 1975 • Per le antiche scale
- 1975 • L'adultera
- 1976 • Con la rabbia agli occhi
- 1976 • Spogliamoci così, senza pudor
- 1976 • 40 gradi all'ombra del lenzuolo
- 1976 • Tutti possono arricchire tranne i poveri
- 1977 • Diamanti sporchi di sangue
- 1977 • L'appuntamento
- 1978 • Come perdere una moglie e trovare un'amante
- 1979 • Liquirizia
- 1979 • Sabato, domenica e venerdì
- 1980 • La moglie in vacanza... l'amante in città
- 1981 • Crema, cioccolata e pa... prika
- 1981 • Spaghetti a mezzanotte
- 1982 • Perché non facciamo l'amore?
- 1982 • Per favore, occupati di Amelia
- 1982 • Diamond Connection
- 2001 • Mari del sud
- 2002 • Gangs of New York
- 2005 • Trailer for a Remake of Gore Vidal's Caligula
- 2008 • Bastardi
- 2009 • Butterfly zone - Il senso della farfalla
- 2009 • Giallo?
- 2009 • La vita dispari
- 2011 • Finalmente la felicità
- 2015 • Cooking Cats