Diamanti sporchi di sangue

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Diamanti sporchi di sangue
Diamanti sporchi di sangue.png
La Barbara Bouchet in na figùra dal film
Diamànt muśnént ad sangṿ
1977
Regia: Fernando Di Leo
Scritùr: Fernando Di Leo
Atùr: Claudio CassinelliPier Paolo Capponi
Martin BalsamBarbara BouchetOlga Karlatos
Vittorio CaprioliPaul OxonAlberto Squillante
Franco BeltrammeCarmelo RealeLina Franchi
Müsica: Luis Enriquez Bacalov
Lengua: Itagliàṅ
Dürä dal film: 110 minüt
Nasiòṅ: Itàglia


«
Da 'l gèni ad Fernando Di Leo 'l ùltim grand film dal gènar “pulisiòt” itagliàṅ!»
(Tagline dal film)


Diamanti sporchi di sangue (Diamànt muśnént ad sangṿ) 'l è 'n film dal gènar “pulisiòt” dal 1977 ad Fernando Di Leo girâ a Róma.

A 'l èstar 'l è cgnusû anc c'n al nóm ad Blood and Diamonds.

Sunt

Guido Mauri (Claudio Cassinelli) al lavóra insém a 'l sò amìg Marco (Carmelo Reale) p'r al boss mafióś Rizzo (Martin Balsam). Guido al gh'à da 'vér da lò quarànta migliòṅ ad franc p'r avér-ag rubâ un càrag ad trénta chilo 'd diamànt. La nòt prima d'l incóntar, méntar 'l è drē a rapinàr na banca, qualchidòṅ 'l infórma la pulisìa ch'la riva subìt e ch'la gh mét al maṅ adòs mént'r invéci Marco al gh la cava a scapàr via anc s'l armàgn uféś par sèmp'r a na gamba dvintànd sòp.

Dòp sinc an ad parśòṅ Guido al vèṅ mis lìbar e al pōl acsè turnàr da la sò muróśa, la Maria (Olga Karlatos), na dóna ch'la 'l à sèmpar spetâ esénd-'n inamuràda dimóndi anc miténd-as cónt'r a sò fiōl abû da na relasiòṅ vècia, Enzo (Alberto Squillante). Al śōvan, dòp 'l arèst ad Guido, al s éra śluntanâ da cà andànd a vìvar cun na ragasōla ch'la s cava śò in discutéca balànd in si cub par campàr, la Lisa (Barbara Bouchet).

Durànt un viàś in curéra, dū bandî i férm'n al pullman faghénd śmuntàr śò tut par śgranfgnàr quèl da 'l valìś e da i pac ch'i s càt'n insìma. Guido, cardénd-i di sicàri ad Rizzo vgnû lè par cupàr-al, al tōś na màchina ch'la pasàva da 'd lè e al i mét sóta masànd-i ma chi lōr i faṅ in tèmp listés a sparàr a la Maria ch'la pèrd acsè la vita. Guido 'l è sicûr ch'a gh sia in mèś Rizzo e che cla nòt là al sia stâ lò a ciamàr i carabinēr. Da 'l cant suo al mafióś al manda 'l sò bras dèstar Tony (Pier Paolo Capponi) par dar-ag tri dè par lasàr al paéś.

Culegamènt estéran