Come perdere una moglie e trovare un'amante

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Come perdere una moglie
e trovare un'amante
Come perdere una moglie e trovare un'amante.png
La Bouchet e la Casini in na figùra dal film
Cuma pèrdar na mujér e catàr n'amànta
1978
Regia: Pasquale Festa Campanile
Scritùr: Roberto Leoni
Luigi Malerba • Gianfranco Rucceri
Atùr: Johnny DorelliBarbara BouchetCarlo Bagno
Stefania CasiniGino PerniceEnzo Cannavale
Elsa VazzolerFelice AndreasiUgo Maria Morosi
Müsica: Gianni Ferrio
Lengua: ItagliàṅNapulitàṅ
Dürä dal film: 104 minüt
Nasiòṅ: Itàglia


Come perdere una moglie e trovare un'amante (Cuma pèrdar na mujér e catàr n'amànta) l'è na cumèdia vulgaròta dal 1978 ad Pasquale Festa Campanile.

Al regìsta in dal film al fà véd'r un squantèr'n ad téti, anc qvéli dla Stefania Casini e dla Barbara Bouchet, mujér dal prudutōr Luigi Borghese, mént'r al prutagunìsta Johnny Dorelli al canta 'l pès Golosona.

Sunt

Al dutōr Alberto Castelli (Johnny Dorelli), spuśâ cun l'americàna Helen (Anny Papa), al lavóra cuma cunsulènt publicitàri par la dita rumàna “Al lat dla salùt”. L'ulandéśa Eleonora Rubens (Barbara Bouchet) l'è la mujér 'd un sunadōr Arturo (Gino Pernice) e dimóndi amìga dla purcùsa Marisa (Stefania Casini) ch'a gh piàś far yoga da 'n napulitàṅ (Enzo Cannavale) ch'al s fà pasàr p'r un guru indiàṅ (Enzo Cannavale).

Un dè, dòp avēr buciâ la sò màchina cun qvéla dl’Eleonora in un parchéǵ, Alberto al tórna a cà prima e acsè al bèca sò mujér in dal bagn nûda cun 'l idràulic (Ugo Maria Morosi). Anc l’Eleonora la gh'à na surpréśa cumpàgna quànd la vèra 'l us dla sò vila, praticamènt la gh'à i còr'n anc lē. I dū i próan a tōr-as la vita par la depresiòṅ pò i tàc'n a 'ndàr da 'n psicòlug, al dutōr Rossini (Felice Andreasi), par far-as pasàr al magòṅ. Chi lò al gh cunsìlia 'd far un viàś in muntàggna in Val Malènc in Valtelìna e i dū i partìsan par la Lumbardìa sénsa savēr ch'i èṅ drē a far al stés quèl.

Alberto e l’Eleonora i s incróś'n in dla bàita di spóś Anselmo (Carlo Bagno) e Anita (Elsa Vazzoler), padròṅ ad cà. A 'l inìsi i s quistiónan, arcurdànd 'l incidènt ad soquànt dè prima, pò però i dvènt'n amìg tant che Alberto al s insfìls' in dal lèt dla dóna sénsa savēr che sōta i linsōi a gh'è la Marisa ch'l'éra vgnuda a catàr la sò amìga. La risulìna, in tut al manéri, la taś parchè dū cōlp la i s fà dar vluntéra.

Al dè dòp, durànt un gir su la néṿ in , Alberto e l’Eleonora i finìs'n in un muć ad paja muciàda fóra in un camp e i dū còrp ślâ i s unìsan par caś in un baś. Quànd i sucuridōr i i càt'n in fiṅ 'd vita, pinsànd ch'i fùsan dū muróś, i i spóś'n in articulo mortis. Anc s'al ròbi i n stàvan minga acsè, quànd chi lōr dū i s armìt'n in salùt, i decìd'n ad métar-'s insém dabòṅ.

Culegamènt estéran