Aiuto:ISTRUZIONIBASE/Nòti

Da Wikipedia.

Artéccol in dialètt mudnés

Per tachèr   Cambiamèint   Scritùra   Ligamèint   Nòti   Discussiòun   Argistrères   Dèr a mèint!    

Istruziòun – Nòti & referèinsi

Acsè cóm i disèn al regòli tèra tèra dla Vichipèdia, quant as zónten di informasiòun a 'na pàgina, te gh'è sèimper da mètter al tô referèinsi, in manéra ed vèder subét se quel ch'et scrétt l'è gióst e al 'n và brisa scanzlê. L'è méi druvèr al nòti in fònda a la pàgina, acsè anch chi èter druvadór e chilór ch'i lésen i pólen vèder sl'è gióst quel ch'èt scrétt. Incòra, fà in manéra che tótt al referèinsi ch'et druvê i én gióst e i vìnen da un sit cun dl'autoritê a riguàrdi.

Nòti in fònda a la pàgina

La manéra pió còmda ed mètter al referèinsi l'è druvèr al nòti in fònda a la pàgina. Is pólen fèr i nòti in fònda cun al Wiki markup, bàsta zuntèr i ref tags d'arèint a la tô nòta, acsè:

<ref>La tô nòta</ref>

S't'è drê da mètter al prémmi nòti d'ónna pàgina, te gh'è da èser sicùr ch'agh sia al tést ch'al dis ala Vichipèdia ed mètter al nòti. Al tést al sarà acsè:

{{Reflist}} o <references/>.

Quest tést ch'è al và méss apèina sòta la seziòun cun al tétol ==Nòti==. Se questa pèrta la n'esést brisa, te gh'è sól da fèrla tè (sia al tétol che un di dû modèl "Reflist" o "references" ch'aiòm détt chè dedsóver ). Mètt la nóva seziòun in fònda a l'artécol, pèina prémma dla seziòun "Nòti" (se la gh'è).

'Na vòlta ch'èt salvê i tô cambiamèint, i ref tag cambiaràn al tô ligamèint in 'na nòta (acsè cóm questa chè [1]): se agh è al tag détt dedsóver, al gnarà fóra acsè:

Nòti (esèimpi)

  1. Esèimpi

Se la tô sorgèint per la nòta la gh'è in dal web, t'pô fèr un ligamèint ed fóra a óna pàgina dal web in dóv as pól catèr la sorgèint. (An druvèr brisa n'ètra pàgina dla Vichipèdia cóm sorgèint; cón "pàgina dal web" nuèter intendàmia "su un sit ch'an sia mia la Vichipèdia".)

Pèr fèr un ligamèint ed fóra da druvèr in di nòti, mètt al link dal sit tra dô parèintesi quèdri cón dòp al tést, che chi al lezarà al vedrà cóm un ligamèint. Ad esèimpi:

<ref>[http://www.corrieredellasera.it/articolo.html Artécol in dal Corriere della Sera]</ref>

Anch s'an l'è mia necesàri, l'è dimòndi méi mètter di informasiòun in pió, piotòst ech lassèr l'indiréssi nud e crud dal ligamèint. Chè agh è un ligamèint bèin fat:

<ref>Nòm dl'autór, [http://www.corrieredellasera.it/articolo.html "Nòm dl'artécol"], ''Corriere della Sera'', data</ref>


Seziòun "Ligamèint ed fóra"

Dimòndi pàgini dla Vichipèdia i gh'àn na pèrta ciamèda Ligamèint ed fóra. Sta pèrta chè l'è per alghèr a di èter sit cun di informasiòun in pió (scrétti cun pió precisiòun o pió cèr), sèimper dedsóver l'istèss argomèint dla pàgina. An gh'è mia bisàgn ed mètter na móccia ed sti ligamèint chè: al saréss perfèt mètter sól quelchidùn mo prècis e bèin fat. Se óna pàgina la gh'à bèle dimòndi ligamèint in dla seziòun ligamèint ed fóra, e tè t'è un druvadór nóv, al saréss méi scréver in dla pàgina ed Discusiòun e dir al tô sugerimèint per mètter di nóv ligamèint, prémma ed zuntèrel da per tè.

Per mètter un nóv ligamèint ed fóra, at basta scréver, in méz a dô parèintesi quèdri l'inderéss URL dal ligamèint, pò dòp mètter un spàsi, e dòp incòra al tést ch'at vô fèr saltèr fóra. Per esèimpi:

[http://www.esempio.com/ Sit uficèl]

al gnarà fóra acsè:

Sit uficèl


Pròva quel ch't'è imparê e và a fèr pratica in dal fói ed pròva