Aiuto:ISTRUZIONIBASE/Cambiamèint
Artéccol in dialètt mudnés
| Per tachèr | Cambiamèint | Scritùra | Ligamèint | Nòti | Discussiòun | Argistrères | Dèr a mèint! |
Istruziòun - Cambiamèint
Chè dèinter in dla Vichipèdia t'pô fèr na pàgina nóva o cambièrn ónna (anch sta chè ch't'è drê da léser!). Agh òm bisàgn dal nómmer pió grand pusébil ed gìnta ch'la dia na man. Per avér n'idèa ed l'organizaziòun tècnica dla scritùra di pàgini, guèrda guèrda chè.
Dimòndi impòrtant: te gh'è da tgnir drê al règoli ed scritùra dal dialètt mudnés! Per savérn ed pió lés chè
Schésa Modifica inséma ala pàgina s't vô fèr di cambiamèint. Te'n gh'è ménga bisàgn ed gnint èter: an l'è nianch obligatòri èser argistrê (anch s'al saréss méi!).
S't vô fèr dal pròvi, sèinza cùrer al résc' ed fèr di dan, t'pô fèr i tô paciùgh in dal fói ed pròva indóv te pô dvintèr pràtich.
S't è in dal bel mèz ed fèr di cambiamèint a na pàgina e at vìnen di dóbi, at bàsta schisèr al butòun Guida in bas, a masèina d'arèint di trî butòun Salva, Anteprémma, Guèrda al differèinzi: as véra la pàgina d'aiùt sèinsa che quela ch't'è drê da cambièr l'as sèra.
S'te cat un quel ch'an và mia mèinter t'è drê da léser na pàgina ed Vichipèdia (un quel sbaiê, un quel pòch cèr, ecc.), schésa Modifica e màttegh man. Fal dabòun! Avér brisa paura ed sbaièr: i sbài is curèzen facilmèint.
Al fin dla Vichipèdia al gh'à da èser quel ed màttr insèm tótt quella cnussèinza ch'la gh'à al résc' ed pèrders: ad esèimpi, la cultùra cuntadèina, i vèc' mistér, al lavór in di càmp.
La guida dal pùnt ed vésta nèutro la spiéga ch'al pàgini i gh'àn da éser scrétti in manéra ch'an-gh sia mia un pùnt ed vésta personèl, mo al pió nèutro pusébil.
Se al tô cambiamèint al vin scanzlê o cambiê, t'pô dmandèr di chiarimèint in dla pàgina ed discussiòun; per guardèr i vèc' cambiamèint, schésa al pulsànt Visualizza cronologia.
N.B.:Tót quel ch'te scrévv chè sóvra, te'l las secànd la GNU Free Documentation License (in inglés), ch'la garantéss la distribuziòun in manéra lébbra ed Vichipèdia per sèimper (guèrda anch: chè, in italiàn).
N'ucèda ai ùltem cambiamèint (a mansèina), at dà la pussibilitê ed tgnir a drê quel che sucéd in quest momèint (o in di óri o i dè adrê), e anch ed vèder chi él ch'l'è drê da lavurèr o al l'à bèle lavurê.
Bòun divertimèint!