Aiuto:ISTRUZIONIBASE/Ligamèint

Da Wikipedia.

Artéccol in dialètt mudnés

Per tachèr   Cambiamèint   Scritùra   Ligamèint   Nòti   Discussiòun   Argistrères   Dèr a mèint!    

Istruziòun - Ligamèint

Lighèr insèm i artécol dla Vichipèdia l'è dimòndi importànt. Sti ligamèint chè i fan in mòd ch'i druvadór i pólen saltèr a di èter artécol cun di informaziòun alghèdi a qui ch'i én drê da lèser, e l'è pròpria quest chè ch'al fà dvintèr la Vichipèdia acsè còmda.

Cóm alghèr

Per fèr un ligamèint a n'ètra pàgina dla Vichipèdia (quest ligamèint in inglés as ciàma wiki link), bàsta màtter la paròla in questiòun in méz a dû parèintesi quèdri, acsè:

[[San Zemiàn]]

che tótt qui ch'i lésen, dòp ch'et salvê i tô cambiamèint, i vdràn acsè: San Zemiàn

S'a vót fèr un ligamèint a un artécol, m'a vót ch'as vàdd un ètra paròla, t'al pô fèr: bàsta màtter la divisòria "|" (SHIFT + BACKSLASH, al butòun prémma dal nómmer 1 in dla tastéra) e pò dòp al nàmm alternatìv. Pr'esèimpi:

[[Pàgina 1|al mê tèst]]

al gnarà scrétt acsè: al mê tèst

T'pô fèr un ligamèint a 'na seziòun in particulèr dla pàgina:

[[Pàgina 1#Seziòun 1|al mê tèst]]

al gnarà scrétt acsè: al mê tèst

S'a vót fèr in mòd ch'al tèst dal ligamèint al vègna in cursìv o neràtt, at bastarà màtter i apòstrofi dal cursìv o neràtt d'ed fóra di parèintesi quèdri, acsè cóm in dl'esèimp:

''[[La mê Mòdna]]''

al gnarà scrétt acsè: La mê Mòdna

Per piasér guèrda ch'al tô ligamèint al pùnti in dla pàgina giósta! Per fèr un esèimpi, Verdòun al prèvv èser sia la lusértla ch'l'usèl: a secònda ed quel ch'a vót alghèr, fê al ligamèint gióst.

Quànd fèr i ligamèint

Màtter i ligamèint a 'n artécol l'è còmed dimòndi, ma però quand i én tròp i prénn der fastédi (La seziòun principèla d'un artécol la prèvv avér pió ligamèint di ètri seziòuni.) Per evitèr ch'i dvèinten tròp, ed sòlit te gh'è da fèr al ligamèint a na paròla sol la prémma vòlta che questa paròla la sèlta fóra in dal discórs.

Guèrda anca chè (in italiàn)

Dèr n'ucèda a i artécol ed qualitê at prèvv dèr na man a capìr cóm is mèten i ligamèint. T'pô catèr la lésta d'artécol ed qualitê in cla pàgina chè.

Categorìe

T'pô anca màtter la pàgina in óna Categoria cun di ètri pàgini dl'istèss argomèint. D'arèint ala fin dl'artécol, scrévv [[Categoria:]], e a mèza via tra i dû punt e al parèintesi mètt al nàm dla categoria. L'è dimòndi importànt màtter al pàgini in dla categoria giósta acsè l'ètra ginta la srà bòuna 'd catèr al tô lavór pió facilmèint.
Al mòd miór ed catèr la categoria giósta da màttregh la pàgina l'è guardèr i artécol d'argomèint cumpàgn e guardèr che categoria i an druvê. Per fèr un esèimpi, st'è drê da scréver un artécol s'un èlber, te pô guardèr l'artécol d'un ètra qualitê d'èlber e vàdder quela pól èser la categoria giósta.

Pròva quel ch't'è imparê e và a fèr pratica in dal fói ed pròva