Aiuto:ISTRUZIONIBASE/Discussiòun

Da Wikipedia.
Jump to navigation Jump to search

Provincia di Modena-Stemma.png Artéccol in dialètt mudnés Modena-Stemma.png

Per tachèr   Cambiamèint   Scritùra   Ligamèint   Nòti   Discussiòun   Argistrères   Dèr a mèint!    

Istruziòun - Discussiòun

Al Pàgini ed Discussiòun i én un di servéssi miór méss a disposiziòun dla Vichipèdia, perchè i dan l’ocasiòun ed discóter cun chi èter Vichipediàn ed quel ch'an và mia, d'un artécol o di èter problémi dla Vichipedia. Atensiòun: i én mia óna chat room, né un camp ed batàia per quistiunèr dl'argomèint dl'artécol, e nianch un forum..

S'et gh'è da fèr na dmanda, óna critica o un comèint a riguàrdi d'óna pàgina e tè t'pèins ch'al prèv aiutèr, alóra tè pô scrévver in dla pàgina ed discussiòun, e ménga in dl'istèssa pàgina. Per fèr acsè at basta schisèr al butòun "discussiòun" in dla pèrta èlta dla pàgina. An fèret mia di problémi s'al ligamèint l'è ròss e la pàgina l'an gh'è brisa; al và pió che bèin creèr la pàgina ed discussiòun se l'an gh'è incòra.

S't'è drê a respònder a óna questiòun ed quelchidùn, mètt al tô commèint d’ed sòta a quel ch'a gh’è bèle. Al sarèv méi fèrel in dla manéra ch'l'è spieghèda pió sòta in sti istruziòun chè. D'ètra pèrta, se n't'è mia drê da respònder a quelchidùn, mo t'è drê da scréver un quèl ed nóv, dróva al butòun "aggiungi discussione" inséma a la pàgina ed discussiòun,: al gnarà fóra un nóv tétol, ch'l'andrà automaticamèint in fònda a la pàgina.

A bsògna sèimper firmèr i comèint cun la signadùra, a basta scréver ~~~~ e a vin fóra la tô signadùra, l'uràri e la data ed quand t'è scrétt. Pò dòp, te gh'è da schisér "Salva" e la signadùra la saltarà fóra da per lê. Al cuntràri, s'tè 'n mètt brisa la signadùra al gnarà fóra al tô comèint sèinsa firma. (Per èser pió còmed a gh'è un butòun inséma a la pàgina cun 'na madidèina bló Insert-signature.png che, s'tè la schéss, la mètt in manéra automàtica la signadùra "--~~~~".)

S'tè 'n t'è mia argistrê o s't'è 'n t'è mia gnû dèinter, l'indiréss IP dal tô compiùter al vin druvê da signadùra, quand tè schéss ~~~~ e t'è salvê i tô cambiamèint. In sta manéra chè, sia che t'àbia firmê o ménga, al tô indiréss IP al gnarà salvê (in dla stòria ed la pàgina) per arcgnósser chi él ch'l'à fat quel cambiamèint. Se tè 'n vót mia che al tô indiréss al vègna salvê da la Vichipèdia (anch perchè pò dòp tót quant al pólen vèder), alóra tè gh'è sól da argistrèret. (Al 'n còsta gninta, nianch per sbàli.)

Pàgina ed discussiòun dal druvadór

Tótt i druvadór argistrê i gh an ónna pàgina ed discussiòun dal druvadór in-duv i èter druvadór i pólen lassèr di mesàg'. Tra qui ch'i pólen lassèr mesàg' agh én anch i druvadór ménga argistrê. Se quelchidùn t'à lassê un mesàg', at gnarà fóra un retangulèin zal, in èlta dla pàgina dla Vichipèdia, cun scrétt (se t'è gnû dèinter) "Hai nuovi messaggi", cun un ligamèint a la tô pàgina ed discussiòun dal druvadór.

Te pô respònder in ónna di sti dû manéri. La prémma l'è lassèr un mesag' in dla pàgina ed discussiòun dal druvadór dla persòuna ch't'è drê da respònder. L'ètra l'è mètter la respòsta in dla tô pàgina ed discussiòun, 'pèina sòta al mesàg' ch'i t'an lassê. Tótt e dû i én druvê in dla Vichipèdia normalmèint; in tótt i mòd, fà atenziòun quand tè respònd in dla tô pàgina ed discussiòun, perchè agh è al chès che la tô respòsta la n vègna ménga vésta, se l'èter druvadór al 'n dà un ucèda d'ed nóv a la tô pàgina ed discussiòun. S'tè pèins ed druvèr sta manéra ed respònder chè, la prèvv èser 'na bòuna idèa quèla ed mètter inséma a la tô pàgina ed discussiòun una notisèina ch'la dégga che tè t'respònd in dla tô pàgina ed discussiòun, acsè chi èter druvadór i san ch'i gh an da tgnir a drê la tô pàgina per vèder la respòsta.

Rièinter

Al rièinter al pól dèr 'na man a fèr dvintèr óna discussiòun pió còmda da léser. La manéra pió clàsica l'è ed mètter a la tô respòsta un rièinter in pió ed la persòuna che t'è drê da respònder.

Agh én advèrsi manéri ed mètter al rièinter in dla Vichipèdia:

Rièinter clàsich

La manéra pió còmda ed mètter un rièinter l'è piazèr al sègn di dû punt (:) a l'inéssi d'óna riga. Pió dû punt agh in, pió al tèst al gnarà a drètta. Andèr in óna nóva riga (a capo) al fà finìr l'efèt di dû punt.

Ad esèimpi:

Quest chè l'è tót a mansèina.
: Quest chè al gh à un pò ed rièinter.
:: Quest chè al gh à incòra pió rièinter.

al vin fóra acsè:

Quest chè l'è tót a mansèina.
Quest chè al gh à un pò ed rièinter.
Quest chè al gh à incòra pió rièinter.

Puntèin

Is pólen fèr i rièinter anch cun i puntèin, ch'i én druvê da fèr al lésti. Per fèr gnir fóra un puntèin (al vin fóra quand te schéss Salva), te gh è da mètter un asterésch (*). Acsè cóm i dû punt, pió asterésch i fan andèr al tèst pió a mansèina.

Ad esèimpi:

* Prémm lavór dla lésta
* Secònd lavór dla lésta
** Lavór pió cécch sòta al secònd
* Tèrs lavór dla lésta

Al vin fóra acsè:

  • Prémm lavór dla lésta
  • Secònd lavór dla lésta
    • Lavór pió cécch sòta al secònd
  • Tèrs lavór dla lésta

Lésta cun i nómer

Te pô anch fèr 'na lésta cun di nómer: per fèr acsè, dróva la dòpia crós (#). Quest chè ed sòlit as dróva la mazór pèrt per votèr (i sondaggi o al votasiòuni per i aministradór), per al rèst an 's dróva mia dimòndi. Incòra, te pô mètter al rièinter al nómer ch'te vô, a secònda ed quant # ét druvê.

Ad esèimpi:

# Prémm lavór dla lésta
# Secònd lavór dla lésta
## Lavór pió cécch sòta al secònd
# Tèrs lavór dla lésta

Al vin fóra acsè:

  1. Prémm lavór dla lésta
  2. Secònd lavór dla lésta
    1. Lavór pió cécch sòta al secònd
  3. Tèrs lavór dla lésta

Esèimpi ed discussiòun

Chè agh è un esèimpi ed 'na discussiòun organizèda in dla manéra giósta:

Av salót. A gh'ò 'na quistiòun. Mè a sun pió chè sicùr ch'al tìgri a gh ìn sól e soltànt a Pèrma, pól èser? Vitòri 02:49, 10 Dic 2010 (UTC)

Bè, mè a pòs dìr ech l'óltma vòlta ch'a sun stê a Pèrma a gh'éren dal tìgri gròsi cum un cavàl. — Gigèin 17:28, 11 Dic 2010 (UTC)
Mè a pèins ch'a gh sarèv bisògn ed catèr 'na sòrgèint per verifichèr quel ch't'è drê da dir! Carlètt 20:53, 11 Dic 2010 (UTC)
Guèrda, sti dû giurnèl chè i 'm dan ragiòun:
Gigèin 19:09, 12 Dic 2010 (UTC)
Mè a sûn ed Gavâsa e av pôs garantîr che agh în al tîgri ânch ché! A j'în êlti cum un palâs ed trî piân e s' tè 'n stê atèint i t môrṣghen al rōdi dal Pandèin! Cla gèint ché sòta l'è d'acôrdi mèigh: Gianfrânch 17:28, 14 Dic 2003 (UTC)
  1. Susâna 01:22, 15 Dic 2010 (UTC)
  2. Valintèin 05:41, 15 Dic 2010 (UTC)
  3. Jâchem 18:39, 27 Gen 2011 (UTC)

Fà atenziòun che, s'a vót mètter 'na lésta in dal tô comèint, te gh'è da mètter i dû punt prémma dla dòpia crós, acsè:

::: Guèrda, sti dû giurnèl chè i 'm dan ragiòun:
::: *''Tigers in Parma Town''
::: *''Tìgra dal Bengàla - mèza nigra mèza zàla''
::: ~~~~

Incóra, la signadùra dal mesàg' l'è fata acsè:

  • Scrévv ~~~~ per al tô nòm e la data (Gigèin 19:09, 12 Dic 2010 (UTC)))

As pól anch mètter sól la signadùra, o sól la data, anch s'an 's dróva ménga dimòndi. Acsè:

  • Scrévv~~~ per avér sól al nòm (Gigèin), o
  • scrévv~~~~~ per avér sól la data (19:09, 12 Dic 2010 (UTC)).

Quand as mètt al nòm per al vót, la data la'n è ménga necesària.

Pròva quel ch't'è imparê e và a fèr pratica in dal fói ed pròva



Ètri pàgini

Óltre al pàgini ed discussiòun, agh én anch di ètri categoréi di pàgini ch'i lavóren in dl'òmbra per dèr 'na man a tgnir al progèt in órden, i dan l'ocasiòun ed discòrer di problémi e i dan 'na móccia di èter servéssi in dla costrusiòun dla Vichipèdia.
Sti diferèint camp ed lavór i én ciamê, in inglés, namespaces (repàrt) — ad esèimpi, "al namespace dal Discussiòuni" o "al repàrt dal Discussiòuni".

Al pàgini in dal repàrt Wikipedia (qui cun al nòm ch'al taca cun Wikipedia:) i dan di informaziòun su cum druvèr la Vichipèdia e su cum la funziòuna.

Quel ch'a gh'è scrétt in dla pàgina di un Template o Modèl la gnarà fóra in d'un artécol ch'al gh'à dèinter al riferimèint al modèl. Ad esèimpi, quel ch'a gh'è scrétt in dal Template:Abòz al gnarà fóra in d'un artécol ch'al gh'àbia dèinter al tag {{abòz}} . Dà 'n ucèda a Categoria:MODELLI per vèder i modèl ch'a én bèle stê fat. T'li pô druvèr in di artécol, e t'i pô fèr anch di nóv modèl.

Tót sti repàrt i gh'àn la sô pàgina ed discussiòun.