L'uomo che sapeva troppo (film 1956)

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg The Man Who Knew Too Much
L'uomo che sapeva troppo
Uomo che sapeva troppo.png
La Doris Day e James Stewart in na figùra dal film
'L óm ch'al saìva tròp
1956
Regia: Alfred Hitchcock
Scritùr: Charles Bennett • D.B. Wyndham-Lewis
John Michael Hayes
Atùr: James StewartDoris DayBrenda De Banzie
Bernard MilesRalph TrumanDaniel GélinAlix Talton
Christopher OlsenAlan MowbrayMogens Wieth
Müsica: Bernard Herrmann e Arthur Benjamin
Dürä dal film: 120 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
Savér un cinèṅ al prév èsar un quèl murtàl!»
(Tagline dal film)


L'uomo che sapeva troppo (’L óm ch'al saìva tròp) 'l è 'n thriller dal 1956 'd Alfred Hitchcock, arfacimènt 'd un sò film umònim dal 1934 prudót in dal Régn Unî.

La pelìcula l'è stada preśentàda a 'l nôn Fèstival ad Cannes.

Al film, girâ par gl'intéran in di studi dla Paramount e par gl'estéran in Maròc e a Lóndra, 'l à muciâ sù da piò 'd ùndas migliòṅ ad dòlar dòp ès'r-an custâ sōl òṅ e dū.

Sunt

Dū turìsta americàṅ, al dutōr Ben McKenna (James Stewart) e sò mujér Jo (Doris Day), i èṅ i viàś in Maròc insém a 'l sò putèṅ Hank (Christopher Olsen). In sla curéra ch'la i pòrta a Marrakech i cgnósan un persunàǵ strâṅ, Louis Bernard (Daniel Gélin), ch'al taca a ciacaràr sèg. Più tard, rivâ in d'l albêrg, i McKenna i màgnan in un risturànt un pui c'n i dî, cum a s fà da cal bandi là, insém a na còpia ingléśa, Edward (Bernard Miles) e la Lucy Drayton (Brenda De Banzie). I pàsan la sira sèg dòp avér vdû che anc Bernard al s cata lè.

Al dè dòp, faghénd un gir p'r al marcâ dla sità, i védan 'n óm ch'al s gh para incóntar cun un curtlàs insfilsâ in dla schina. Prima ad murìr, chi lò al gh diś che 'n impurtànt óm ad stat al sarà fat fóra a Lóndra e al s arcmànda 'd andàr a pascàr là "Ambrose Chapel". Chi lò al n è àtar che Louis Bernard cun i pagn adòs 'd un maruchèṅ e cun al grugn piturâ ad scûr.

La pulisìa la ciàma gl'americàṅ in cumisariâ par 'n interugatòri ma prima chi lōr i ricévan na telefunàda ch'la diś 'd a n dir gnint su qvél ch'al gh'iva dit Bernand o sinò al sò putèṅ Hank, ch'in cal méntar 'l éra stâ purtâ via, al gnarà cupâ.

La canta Qué Será, Será

In dal film la Doris Day la canta al braṅ Whatever Will Be, Will Be (Qué Será, Será) (Qvél ch'a sarà, a sarà) che pò al vins'rà al Prèmi Òscar.

«
When I was just a little girl I asked my mother, what will I be? Will I be pretty? Will I be rich? Here's what she said to me: que sera sera, what ever will be, will be, the future's not ours to see.»
(EN)(Que Será, Será (Whatever Will Be, Will Be), 1956)
«
Quànd a séra sōl putìna a iva dmandâ a mè màdar, cuma sarò-j-a? Sarò-j-a bèla? Sarò-j-a rica? Cà'l chè qvél ch'la m à dit: que sera sera, qvél ch'a gh'à da gnir, a gnarà, a n psém mia véd'r in dal dmaṅ.»
(MUD)

Culegamènt estéran