Marnie

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Marnie
Marnie.png
Sean Connery e la Tippi Hedren in na figùra dal film
id.
1964
Regia: Alfred Hitchcock
Scritùr: Winston Graham • Jay Presson Allen
Atùr: Tippi HedrenSean ConneryDiane BakerMartin Gabel
Louise LathamBob SweeneyAlan NapierBruce Dern
Müsica: Bernard Herrmann
Dürä dal film: 130 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
Più lò al gh vliva bèṅ più lē la gh dava adòs p'r avér pruâ a dasquaciàr al sò segrét!»
(Tagline dal film)


Marnie (id.) 'l è 'n film dramàtic dal 1964 'd Alfred Hitchcock trat da 'n rumànś ad Winston Graham.

Par la part dla Marnie, Hitchcock 'l iva pinsâ a dmandàr a la Grace Kelly, dvintàda in cal mèntar la mujér ad Ranieri III ad Mònag, ad turnàr a recitàr par lò, ma 'l sò pòpul al n vliva minga che lē la faghìs la part dna ladra e alóra a n s 'n è fat gnint. Cun la Tippi Hedren, ch'l'iva péna recitâ sèg in Gli uccelli, al ròbi però i n èṅ mia stadi fàcili, a pâr che Alfred al fus inamurâ 'd lē e ch'al vlis far-ag far sèmpar qvél ch'al vliva lò, tant che i n s dascurìvan gnanc, a gh vliva sèmpar òṅ in mèś.

Dòp tant an ad sucès, cal film chè 'l è stâ a i sò tèmp dimóndi cuntestâ da i crìtic anc s'l à pò purtâ a cà sèt migliòṅ ad dòlar a frónt 'd un cóst ad tri.

In dal sò lìbar Al cìnema secónd Hitchcock, François Truffaut al 'l à batśâ cuma „òṅ ad chi gran film malâ“.

Sunt

La Marnie Edgar (Tippi Hedren) l'è na śóvna ch'la gh'à di prubléma in dla tèsta par via 'd un brut quèl ch'a gh'éra capitâ quànd l'éra pìcula e ch'a l'à traumatiśàda. Chi lē, bèla e elegànta ma anc buśiàrda e ladra, la s fà tōr a lauràr da di aśiéndi par pò rubàr-ag dèntar e sparìr via. Fra 'n cōlp e c'l àtar, la s tinś anc i cavìi e pò la tórna da sò màdar Bernice (Louise Latham), ch'la gh stà sèmp'r adòs.

Dòp avér-la bèla 'duciàda na vòlta quànd la fava la segretària da 'n sò amìg in di afâr, e la gh piaśìva dimóndi, 'l industriàl Mark Rutland (Sean Connery) al la véd incóra in di sò ufìsi parchè lē la s éra fata asùmar anc lè. Dòp avér tòlt śò i nùmar dla cumbinasiòṅ dla casafòrt, lì lē la śgranfgna i bèsi ch'i gh'éran dèntar. Mark, ch'al sà incòsa ma ch'al la vōl anc tōr par mujér, al la cata in un manéś in dua lò al tgniva al sò cavàl Florio. Prima ch'la psis scapàr via, lò al gh prumét ch'al pagarà da la sò bisàca tut i furt vèć a 'l sò pòst, sénsa far denùnsia, però lē la gh'à da spuśàr-al. La Marnie la gh diś ad sè.

La prima nòt dòp al spuśalìsi, quànd lò al próa a cavàr-la śò e a tucàr-la c'n al sò maṅ, chi lē la s para via in un cantòṅ parchè la gh'à scarésa di óm.

Culegamènt estéran