Stefania Casini

Da Wikipedia.

C'l artìcul chè 'l è scrit in Miranduléś Emiliàn

La Casini in na foto in biànc e négar


La Stefania Casini (Vila 'd Ciàvena, 4 ad Setémbar dal 1948), l'è n'atōra e regìsta itagliàna, vice-presidènta dl'asuciasiòṅ di ducumentarìsta itagliàṅ, la Doc/it[1].

In dal 1978 l'à preśentâ 'l Fèstival ad Sanremo insém a Beppe Grillo, a la Maria Giovanna Elmi e a Vittorio Salvetti.

Biugrafìa

La Stefania, cun na làurea in architetùra in bisàca e dòp avér studiâ recitasiòṅ, da śōvna la taca a lauràr a teàtar. Pietro Germi al gh buta gl'òć adòs e al la sarnìs par la part dla Carla, inamuràda 'd Gianni Morandi, in Le castagne sono buone dal 1970.

Dòp soquànt rōi secundàri, cuma in dal film D'amore si muore dal 1971, la cata 'l sucès faghénd la Lisa in La cugina 'd Aldo Lado e pò, incóra da piò, la putàna c'n al gòmit epilètic in Novecento ad Bernardo Bertolucci in dua la fà dabòṅ na pugnéta a Robert De Niro e a Gérard Depardieu. In chi al lè la s cava śò p'r un servìsi ad Playboy e la lavóra cun Andy Warhol e Paul Morrissey in Dracula cerca sangue di vergine... e morì di sete!!!.

In dal 1977 la fà la Sarah (e na bruta fîṅ) in dal film ad scarésa ad Dario Argento Suspiria. 'L an dòp la tōś part a Ciao maschio ad Marco Ferreri e a 'l thriller Solamente nero 'd Antonio Bido. In di an Utànta la gh dà 'n taj c'n al lavōr dl'atōra, tacànd a far la giurnalìsta e regìsta par la RAI, a part soquànti pelìculi cuma Il ventre dell'architetto ad Peter Greenaway e Maledetto il giorno che t'ho incontrato ad Carlo Verdone.

Filmugrafìa

La Casini tòlta śò in dal 1971

Cuma atōra

Cuma regìsta

Culegamènt estéran

Nòti

  1. Stefania Casini, na manéra 'd èsar dóna Taxi Drivers, 19 ad Mars dal 2016