Solamente nero
|
C'l artìcul chè 'l è scrit in
Miranduléś |
 Solamente nero | ||
 La Stefania Casini in na figùra dal film | ||
| Sōl négar 1978 | ||
|---|---|---|
| Regìa: Antonio Bido | ||
| Scritōr: Marisa Andalò Antonio Bido • Domenico Malan | ||
| Atōr: Lino Capolicchio • Stefania Casini • Craig Hill Juliette Mayniel • Massimo Serato • Laura Nucci | ||
| Müsica: Stelvio Cipriani sunàda da i Goblin | ||
| Léngua: Itagliàṅ | ||
| Dürä dal film: 109 minüt | ||
| Nasiōṅ: Itàglia | ||
Solamente nero (Sōl négar) 'l è 'n śal dal 1978 'd Antonio Bido girâ a Venèsia.
Sunt
Stefano D'Arcangeli (Lino Capolicchio), prufesōr universitàri c'n un brut eśaurimènt narvóś, al và a catàr a Venèsia sò fradèl prevòstar, Don Paolo (Craig Hill).
Chi lò al gh cònta ch'in sità a gh'è na medium (Alina De Simone) ch'la fà dal sedùdi spirìtichi insém a 'n fnòć pedòfil, al cònt Mariani (Massimo Serato), a 'l mèdag Aloisi (Sergio Mioni) e a n'infarméra ch'la gh dà dèntar cun gl'abòrt, la sgnōra Nardi (Juliette Mayniel). Chi lē pò la lōga in cà anc un fiōl schisufrènig (Gianfranco Bullo).
Cla nòt lè Don Paolo al s déśda sinténd di sîg vgnir da na piàsa lè davśèṅ. Butànd 'l òć par la fnèstra 'l óm al fà in tèmp a védar na figùra quaciàda da 'n gabardèṅ négar in dal méntar ch'la stròsa na dóna. La vitma l'è pròpria la medium. Al prēt al taca a ricévar da cal mumènt lè dal létri cun scrit insìma dal minàsi méntar sò fradèl, insém a na ragàsa dal pòst, la Sandra Sellani (Stefania Casini), al próa a far luś.