Sotto shock

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Shocker
Sotto shock
Sotto shock.png
Mitch Pileggi in na figùra dal film
Sóta shock
1989
Regia: Wes Craven
Scritùr: Wes Craven
Atùr: Mitch PileggiPeter BergMichael Murphy
Sam ScarberCamille CooperTed Raimi
Müsica: Michael BruceAlice Cooper
MegadethWilliam Goldstein
Lengua: Ingléś
Dürä dal film: 110 minüt
Nasiòṅ: Stat Unî


«
Al masadōr patintâ Horace Pinker 'l è stâ giustisiâ ma pò al s è incasâ 'd brut.»
(Tagline dal film)


Sotto shock (Sóta shock) 'l è 'n film ad scarésa americàṅ dal 1989 ad Wes Craven ch'al 'l à anc scrit. Custâ sinc migliòṅ ad dòlar, al 'n à pò purtâ a cà da piò ad sédas.

Al baterìsta Eric Singer (Kiss, Black Sabbath, Alice Cooper, The Cult fra i àtar) al fà chè 'n camèo cuma mémbar dla banda in dal talk show.

Sunt

Un masadōr seriàł 'l è drē a stramnàr al terōr a Los Angeles e dintóran. La pulisìa la créd ch'al sasèṅ al sia 'n sòp ch'al giùsta i televiśōr, un tisi ciamâ Horace Pinker (Mitch Pileggi). Quànd al tenènt Don Parker (Michael Murphy) 'l è davśèṅ a incastràr-al, lò al gh masa la mujér e anc sò fiōla. In na quàlc manéra al fiōl adutìṿ dal pulisiòt, Jonathan (Peter Berg), al gh la cava a stablìr un cuntàt cun Horace durànt i sò insùni e al cata acsè al negòsi in dua 'l sasèṅ al s lóga. Chi lò al próa a far-'g-la pagàr dand adòs a la sò muróśa, l’Allison (Camille Cooper), ma invéci i al ciàp'n in tèmp mandànd-'l in parśòṅ e cundanànd-'l a mòrt par mèś dla scrana lètrica.

Prima 'd murìr Pinker al cunfèsa a Jonathan 'd èsar sò pàdar pò a partìs la scòsa ch'la gh bruśa 'l sarvèl. Ma Horace al n mōr mia dabòṅ parchè al dvènta 'n èsar 'd energìa ch'al pōl cuntinuàr acsè a masàr. Farmàr-'l adès a s fà dimóndi dûra.

Culòna sunóra

In dla culòna sunóra dal film, dal gènar heavy metal, i s càtan di pès di “The Dudes Of Wrath” ch'l è 'n supergrùp cun Paul Stanley di Kiss, Alice Cooper, Tommy Lee di Mötley Crüe, Desmond Child, Vivian Campbell di Whitesnake e di Def Leppard, Rudy Sarzo di Quiet Riot e basìsta p'r Ozzy Osbourne e àt'r incóra.

Al pès No More Mr. Nice Guy, cantâ par Dave Mustaine, 'l è na cover 'd Alice Cooper méntar Sword And Stone 'l è stâ scrit par Paul Stanley e Bruce Kulick di Kiss insém a Desmond Child durànt la sesiòṅ dal disc Crazy Nights dal 1987 ma mai publicâ.

  1. Shocker (The Dudes Of Wrath) - 3:58
  2. Love Transfusion (Iggy Pop) - 4:22
  3. No More Mr. Nice Guy (Megadeth) - 3:02
  4. Sword And Stone (Bonfire) - 3:57
  5. Timeless Love (Saraya) - 4:08
  6. Shockdance (The Dudes Of Wrath) - 4:31
  7. Demon Bell (The Ballad Of Horace Pinker) (Dangerous Toys) - 3:56
  8. The Awakening (Voodoo X) - 6:02
  9. Different Breed (Dead On) - 3:48
  10. Shocker (Reprise) (The Dudes Of Wrath) - 2:54

Culegamènt estéran