La casa nera

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The People Under the Stairs
La casa nera
Casa nera.png
L'Allison Joy Langer in na figùra dal film
La cà négra
1991
Regia: Wes Craven
Scritùr: Wes Craven
Atùr: Brandon Quintin AdamsEverett McGill
Wendy RobieAllison Joy LangerVing Rhames
Sean WhalenBill CobbsKelly Jo Minter
Müsica: Don Peake
Lengua: Ingléś
Dürä dal film: 102 minüt
Nasiòṅ: Stat Unî


«
I s còntan di quèi strâṅ su cla cà là... I grand i gh 'n aṅ terōr e i putèṅ i s guàrdan bèṅ da pasàr-ag davànti. Adès Wes Craven, avtōr ad “Nightmare”, al gh v pòrta dèntar...»
(Tagline dal film)


La casa nera (La cà négra) 'l è 'n film ad scarésa americàṅ dal 1991 ad Wes Craven. Custâ siē migliòṅ ad dòlar, al 'n à pò purtâ a cà da piò ad trént'òṅ.

Sunt

Poindexter Williams (Brandon Quintin Adams) al gh'à na màdar malàda 'd càncar ch'la n gh'à mia i bèsi par far l'uperasiòṅ e na surèla, la Ruby (Kelly Jo Minter), ch'la và mata p'r i taròc e ch'la gh'à dâ 'l scutmàj ad Grullo. Tut tri i staṅ in un ghét ad Los Angeles. Cuma s'a n fus minga abàsta, Eldon Robeson (Everett McGill) e sò mujér (Wendy Robie) i gh daṅ al sfrat esénd che lōr i vōlan tiràr śò dimóndi di palàs ch'i gh'aṅ sénsa dar a mènt a qvéi ch'i gh vìvan dèntar.

Al làdar Leroy (Ving Rhames) al dedìd ad far-ag vìśita, insém a 'l sò amìg Spencer (Jeremy Roberts) e a Grullo, par rubàr-ag dal munédi 'd òr. Spenser al sparìs subìt. I àtar dū i al péscan in cà ma i gh'aṅ da far i cònt c'n un rottweiler dimóndi catìṿ e pò i s sèntan di stus strâṅ. Méntar Leroy al và sù, Grullo al và a dar 'n òć in cantìna e lè al gh cata dla gint imparśunàda in dal sotscàla. Tut 'd un trat i tórnan i Robeson e par Leroy l'è la fiṅ. Grullo al và in a risć ad far cumpàgn ma a 'l ùltim a riva na baghéta ad nóm Alice (Allison Joy Langer) ch'la gh salva la vita. Chi lē la gh cònta che chi dū là i la tràtan cuma s'la fus sò fiōla ma che i èṅ anc drē a pascàr al fiōl parfèt.

Culegamènt estéran