L'oggetto del mio desiderio

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Object of My Affection
L'oggetto del mio desiderio
Oggetto del mio desiderio.png
La Aniston e Paul Rudd in na figùra dal film
'L ugèt dal mè deśidèri
1998
Regia: Nicholas Hytner
Scritùr: Stephen McCauley • Wendy Wasserstein
Atùr: Jennifer AnistonPaul RuddAlan Alda
Allison JanneyTim DalyNigel Hawthorne
John PankowLiam AikenBradley White
Kali RochaJoan CopelandPaz de la Huerta
Müsica: George Fenton
Lengua: Ingléś
Dürä dal film: 112 minüt
Nasiòṅ: Stat Unî


«
'L óm ch'l'amàva 'l éra 'l ùnic ch'la n psiva minga amàr.»
(Tagline dal film)


L'oggetto del mio desiderio (’L ugèt dal mè deśidèri) l'è na cumèdia sentimentàla dal 1998 ad Nicholas Hytner trata da 'l rumànś umònim ad Stephen McCauley e giràda a New York, in dal New Jersey e in Connecticut.

Custàda quìndas migliòṅ ad dòlar, la 'n à pò fat sù dagnóra quarànta-sèt.

Sunt

La Nina Borowski (Jennifer Aniston) la fà l'asistènta suciàla e la stà a Brooklyn. Na sira a na fèsta dla sò surelàstra Constance (Allison Janney) e 'd sò marè Sidney (Alan Alda) la cgnós un mìstar dal scōli elementàri, al gay George Hanson (Paul Rudd), e la gh cònta che la Constance la próa sèmp'r a catàr-'g un murós ch'al gh'àppia di bèsi anc se lē l'è bèla impgnàda cun Vince (John Pankow). P'r al fat ch'al śōvan 'l è drē a pascàr un pòst in du vìvar, la Nina la gh śibìs 'd andàr a star da lē parchè la gh'à na cambra libra.

A finìs pò ch'i dū i dvènt'n amìg dabòṅ, i guàrdan di film insém e i vàn'n anc a balàr in dal tèmp lìbar. Quànd la Nina l'armàgn gravda 'd Vince, chi lò al vrév spuśàr-la ma esénd ch'al gh stà sèmp'r adòs, la dóna la gh vōl dar un taj parchè la s è stufàda, piutòst la sènt ad vlēr bèṅ a 'l mìstar. Un dè, dòp che George al gh'à dit ch'a i tèmp dla scōla al gh'à abû na muróśa anc lò, la Nina la taca a pinsàr ch'a gh sia dal màrgin par métar-'s insém e par far-al dvintàr al pàdar dal sò putèṅ. I dū i s dànan dal śnum e i finìsan dagnóra par gusàr ma pò, pròpria in dal méntar che lē 'l è drē a cavàr-ag via la sintùra, a ciàma a 'l telèfun 'l sò vèć muróś, Robert (Tim Daly), mandànd tut a gambi a l'ària. In séguit George al cgnós 'n atōr śōv'n ad nóm Paul (Amo Gulinello) finénd-'g a lèt. Quànd òṅ 'l è fnòć a n gh'è gnint da far, a gh'è sōl da métar-'s al cōr in paś.

Culegamènt estéran