The River Wild - Il fiume della paura

Da Wikipedia.

C'l artìcul chè 'l è scrit in Miranduléś Emiliàn

The River Wild
The River Wild - Il fiume della paura

La Streep e John C. Reilly in na figùra dal film
Al fiùm salvàdag - Al fiùm dla paùra
1994
Regìa: Curtis Hanson
Scritōr: Denis O'Neill
Atōr: Meryl StreepKevin BaconDavid Strathairn
John C. ReillyJoseph MazzelloBenjamin Bratt
Paul CantelonElizabeth HoffmanDiane Delano
Müsica: Jerry Goldsmith
Léngua: IngléśLéngua di ségn americàna
Dürä dal film: 108 minüt
Nasiōṅ: Stat Unî


«
La vacànsa l'è finìda.»
(Tagline dal film)


The River Wild - Il fiume della paura (Al fiùm salvàdag - Al fiùm dla paùra) 'l è 'n thriller 'd asiòṅ dal 1994 ad Curtis Hanson. Par cla pelìcula chè la Meryl Streep e Kevin Bacon i èṅ stâ numinâ, sénsa vìnsar, a i Golden Globe dal 1995.

'L à fat sù da piò 'd nuànta-quàtar migliòṅ ad dòlar a frònt 'd un cóst ad quarànta-sinc.

Sunt

La Gail Hartman (Meryl Streep) la viṿ a Boston insém a sò marè Tom (David Strathairn), ch'al fà 'l architét, e a i sò baghét, Roarke (Joseph Mazzello) e la Willa (Stephanie Sawyer). In dal dè in du Roarke al cumpìs déś an, la Gail la decìd 'd andàr a far na vacànsa sèg in dal Muntàna purtànd-'s adrē anc la cagna Maggie. Tom 'l armàgn a cà par lavōr, anc parchè al sò matrimòni 'l è in criśi, méntar la putìna l'è da i nunòṅ.

A 'l ùltim però, prima che lē la tachìs a far rafting in mèś a la curènt dal fiùm ch'la sarév la sò pasiòṅ, a riva a surpréśa anc Tom. Durànt la gita gl’Hartman i cgnósan dū óm, Wade (Kevin Bacon) e Terry (John C. Reilly), e i dvèntan sò amìg. A la sira i festégian Roarke tut sinc insém ma pò la Gail e Tom i nàśan ch'a gh'è quèl ch'a traśa sèg e i decìd'n ad śluntanàr-as sénsa dir gnint la matìna prèst. Wade però al tira fóra na pistòla par custrìnśar la dóna a purtàr-i via in canòa, lē ch'l'è bòna, parchè i èṅ di làdar e i aṅ péna fat un cōlp miténd incòsa in na valìś vérda.

Culegamènt estéran